Ո՞վ է կարող կանգնիլ Աստուծոյ առաջին։

1Դաւիթի Սաղմոս։ Տէր, ո՞վ կ’կենայ քո խորանումը, եւ ո՞վ կ’բնակուի քո սուրբ սարումը։ *

2Ուղիղ գնացողը եւ արդարութիւն գործողը, եւ իր սրտումը ճշմարտութիւն խօսողը։ *

3Նա որ իր լեզուովը չէ բամբասում եւ իր ընկերին չար չէ անում, եւ իր դրացիի վերայ նախատինք չէ գցում. *

4Որ նորա աչքերի առաջին անարգուած է չարագործը. Բայց Տէրից վախեցողներին պատիւ է տալիս, որ ընկերին երդում է անում եւ չէ փոփոխում. *

5Որ իր արծաթը վարձով չէ տալիս, եւ անմեղի դէմ կաշառք չէ առնում. Ով որ այս անէ, չի շարժուիլ տեղիցը յաւիտեան։ *