Ալէլուիա. ՃԼԵ։

1Խոստովա՛ն եղերուք Տեառն, զի բարի է զի յաւիտեա՛ն է ողորմ նորա։ 2Խոստովա՛ն եղերուք Աստուծոյ աստուծոց, զի յաւիտեա՛ն է ողորմ նորա։ 3Խոստովա՛ն եղերուք Տեառն տերանց, զի յաւիտեա՛ն է ողորմ նորա։ 4Արար զսքանչելիս մեծամեծս միայն, զի յաւիտեա՛ն է ողորմ նորա։ 5Զերկինս արար իմաստութեամբ իւրով, զի յաւիտեան է ողորմ նորա։ 6Հաստատեաց զերկիր ՚ի վերայ ջուրց, զի յաւիտեա՛՛։ 7Արար զլուսաւորս մեծամեծս միայն, զի յաւ՛՛։ 8Զարեգակն արար իշխանական տուընջեան, զի՛՛։ 9Զլուսին եւ զաստեղս արար իշխանական գիշերոյ, զի յաւի՛՛։ 10Եհար զերկիրն Եգիպտացւոց անդրանկօք իւրովք հանդերձ, զի յաւիտե՛՛։ 11Եւ եհան զԻսրայէլ ՚ի միջոյ նորա, զի յաւ՛՛։ 12՚Ի ձեռն բա՛րձր եւ ՚ի բազուկ իւր հզօր, զի յաւ՛՛։ 13Եհերձ զծովն մեծ եւ բաժանեաց յերկուս մասունս, զի յաւի՛՛։ 14Եւ անցոյց զԻսրայէլ ընդ մէջ նորա, զի յաւիտեա՛՛։ 15Ընկղմեաց զփարաւովն եւ զզօրս իւր ՚ի ծով Կարմիր, զի յաւ՛՛։ 16Եհան զժողովուրդ իւր յանապատ, զի յաւի՛՛։ 17Ո եհար զթագաւորս մեծամեծս, զի՛՛։ 18Եւ սպան զթագաւորս հզօրս, զի յաւ՛՛։ 19ԶՍեհովն թագաւոր Ամովրհացւոց, զի յաւի՛՛։ 20ԶՈվգ թագաւոր Բեշանու, զի յաւիտեան է։ 21Ետ զերկիր նոցա ՚ի ժառանգութիւն, զի յաւի՛՛։ 22Ժառանգութիւն Իսրայէլի ծառայի իւրոյ, զի յաւի՛՛։ 23Յիշեաց զմեզ Տէր ՚ի խոնարհութեան մերում, զի յաւ՛՛։ 24Եւ փրկեաց զմեզ ՚ի ձեռաց թշնամեաց մերոց, զի։ 25Ո տայ կերակուր ամենայն կենդանեաց, զի՛՛։ 26Խոստովա՛ն եղերուք Աստուծոյ երկնաւորի, զի յաւի՛՛։ Տունք. իզ։