Յօրն առաջին շաբաթու յոր հաստատեցաւ երկիր. օրհնութիւն գովութեան ՚ի Դաւիթ. ՂԲ։

Յօրն առաջին շաբաթու յոր հաստատեցաւ երկիր. օրհնութիւն գովութեան ՚ի Դաւիթ. ՂԲ։ [772]

1Տէր թագաւորեաց վայելչութիւն զգեցաւ, զգեցաւ Տէր զօրութիւն՝ ընդ մէջ իւր ածաւ։ Հաստատեաց զաշխարհ զի մի՛ սասանեսցի. 2պատրաստ է աթոռ քո իսկզբանէ յաւիտեանս դու ես։ 3Ամբարձան գետք ՚ի Տէր, եւ համբարձին գետք զձայնս իւրեանց. յարիցեն գետք ՚ի գնացս իւրեանց։ 4՚Ի ձայնէ ջուրց բազմաց, սքանչելի եղեն զբօսա՛նք ծովու։ Սքանչելի ես դու Տէր ՚ի բարձունս, 5վկայութեանց քոց մեք յո՛յժ հաւատացաք։ Տա՛ն քում վայելէ սրբութիւն Տէր, ընդ երկայն աւուրս։ Տունք. զ։