5Դիւթութիւնք եւ հմայք եւ երազք 6զմիտս անմտաց զարթուցանեն: 7Զի բազումք խաբեցան յերազոց, եւ անկան ՚ի յուսոյ Տեառն: 8Օրէնք առանց ստութեան կատարեսցի, եւ իմաստութիւն հաւատարմաց կատարեալ լիցի:

Յաղագս անօգուտ պատարագաց

9Այր հանճարեղ ծանեաւ բազում բանս, եւ իմաստութիւն առաքեցաւ ՚ի նմանէ:

21Ողջակէզ յապիրատութենէ՝ պատարագ արհամարհեալ, 23զի ո՛չ ընդունի Բարձրեալն զպատարագս ամբարշտաց. եւ ո՛չ ՚ի բազմութիւն ողջակիզաց նոցա քաւէ զմեղս նոցա: 24Որ մատուցանէ ողջակէզս յընչից աղքատաց, ա՛յնպէս է՝ որպէս զենու ոք զորդի յանդիման հօր: 25Հաց կարօտութեան կեանք աղքատաց, եւ որ զրկեն զնոսա՝ արիւն նոցա ՚ի գլուխս նոցա: 26Սպանօղ է ընկերի իւրում որ հատանէ զկին նորա. 27ընդ արիւնահանս համարեսցի՝ որ հատանէ զվարձկանի վարձ: 28Զի՞նչ օգուտ գործեն, բայց աշխատութիւնն, 29զի մին օրհնէ՝ եւ միւսն անիծանէ, ո՞յր ձայնի լուիցէ Աստուած. 31ա՛յսպէս է մարդ՝ որ պահէ վասն մեղաց, եւ դարձեալ դառնայ անդրէն ՚ի նոյն: