Գուխ Բ

1Եւ այս են անուանք որդւոցն Իսրայելի. Ռուբէն, Շմաւոն, Ղեւի, Յուդա, Իսաքար, Զաբուղոն, 2Դան, Յովսէփ, Բենիամին, Նեփթաղիմ, Գադ, Ասեր։

3Եւ որդիք Յուդայ, Էր եւ Աւնան եւ Սեղովմ. երեք սոքա ծնան նմա ի դստերէն Շաւայ Քանանացւոյ. եւ Էր անդրանիկն Յուդայ չար առաջի Տեառն, եւ սպան զնա։ 4Եւ Թամար նու նորա ծնաւ նմա զՓարէս եւ զԶարա. ամենեքին սոքա որդիք Յուդայ հինգ։

5Որդիք Փարեսի՝ Եսրոմ եւ Յամուէլ։ 6Եւ որդիք Զարայի՝ Զամրի եւ Եթան եւ Եման եւ Քաղքաղ եւ Դարա, ամենեքեան հինգ։ 7Եւ որդիք Քարմեայ, Աքար խափանիչն Իսրայելի որ անօրինեցաւ ի նզովսն։ 8Եւ որդիք Եթանայ՝ Ազարիա։ 9Եւ որդիք Եսրոմայ որք ծնան նմա՝ Յերամէլ եւ Ովրամ եւ Ոքոբէլ եւ Արամ՝՝։

10Արամ ծնաւ զԱմինադաբ, եւ Ամինադաբ ծնաւ զՆաասոն զիշխան տանն Յուդայ. 11եւ Նաասոն ծնաւ զՍաղմոն, եւ Սաղմոն ծնաւ զԲոոս, 12եւ Բոոս ծնաւ զՈվբեդ, եւ Ովբեդ ծնաւ զՅեսսէ, 13եւ Յեսսէ ծնաւ զանդրանիկն իւր զԵղիաբ, եւ զԱբինադաբ երկրորդ, եւ զՍամաա երրորդ, 14եւ զՆաթանայէլ չորրորդ, եւ զՀռադայի հինգերորդ, 15եւ զԱսոմ վեցերորդ, եւ զԴաւիթ եւթներորդ։ 16Եւ քորք նոցա Շարուհեա եւ Աբիգեա. եւ որդիք Շարուհեայ՝ Աբեսսա եւ Յովաբ եւ Ասայէլ, երեք։ 17Եւ Աբիգեա ծնաւ զԱմեսայի. եւ հայր Ամեսեայ՝ Յեթրի Իսմայելացի։

18Եւ Քաղէբ որդի Եսրոմայ առ զԱզուբա կին իւր, եւ ծնաւ զԵրիմովթ՝՝. եւ սոքա են որդիք նորա. Յովասար եւ Սովբաբ եւ Ոռնա։ 19Եւ մեռաւ Ազուբա, եւ ա՛ռ իւր Քաղէբ զԵփրաթ, եւ ծնաւ նմա զՈվր։ 20Եւ Ովր ծնաւ զՈվրի, եւ Ովրի ծնաւ զԲեսելիէլ։

21Եւ յետ այսորիկ եմուտ Եսրոմ առ դուստր Մաքիրայ հօրն Գաղաադայ, եւ նա առ զնա. եւ ինքն էր ամաց վաթսուն. եւ ծնաւ նմա զՍեգուբ։ 22Եւ Սեգուբ ծնաւ զՅայիր. եւ էին նորա քսան եւ երեք քաղաքք ի Գաղաադ։ 23Եւ առ զԳեսուր եւ զԱրամ, զգեղսն Յայիրայ ի նոցանէ. զԿանաթ եւ զաւանս նորա վաթսուն քաղաք, զամենեսեան որդւոցն Մաքիրայ՝ հօրն Գաղաադու։ 24Եւ յետ մեռանելոյն Եսրոմայ՝ եկն Քաղէբ յԵփրաթա. եւ կին Եսրոմայ Աբիա ծնաւ նմա զԱսդոմ զհայր Թեկուայ։

25Եւ էին որդիք Յերեմիելի անդրանկանն Եսրոմայ, անդրանիկ Հռամա եւ Բաան եւ Առան եւ Ասովմ եղբայր նորա՝՝։ 26Եւ էր կին այլ Յերեմիելի, եւ անուն նորա Ատարա. նա է մայր Ունոմայ։ 27Եւ էին որդիք Հռամայ անդրանկանն Յերեմիելի՝ Մաաս եւ Յամին եւ Ակոր։ 28Եւ էին որդիք Ունոմայ՝ Սամայի եւ Յադայի. եւ որդիք Սամայայ՝ Նադաբ եւ Աբիսուր։ 29Եւ անուն կնոջն Աբիսուրայ՝ Աբիսեա. եւ ծնաւ նմա զԱզաբար եւ զՄովղիդ։ 30Եւ որդիք Նադաբայ Սաղադ եւ Ափփեմ. եւ մեռաւ Սաղադ, եւ ոչ գոյր նորա որդի։ 31Եւ որդիք Ափփեմայ՝ Յեսսի. եւ որդիք Յեսսեայ՝ Սովսան. եւ որդիք Սովսանայ՝ Աղայի։ 32Որդիք Աղայեայ՝ Աքիսամա եւ՝՝ Յեթեր եւ Յովնաթան. եւ մեռաւ Յեթեր, եւ ոչ գոյր նորա որդի։ 33Եւ որդիք Յովնաթանայ՝ Փաղէթ եւ Զազա. սոքա են որդիք Յերեմիէլի։

34Եւ ոչ գոյին Սովսանայ ուստերք, այլ դստերք միայն. եւ Սովսանայ էր ծառայ Եգիպտացի, եւ անուն նորա Յովքաղ. 35եւ ետ Սովսան զդուստրն իւր Յովքեղի ծառային իւրում կնութեան, եւ ծնաւ նմա զՅեթթի։ 36Եւ Յեթթի ծնաւ զՆաթան, եւ Նաթան ծնաւ զԱբեդ, 37եւ Աբեդ՝՝ ծնաւ զՈփղաղ, եւ Ոփղաղ ծնաւ զՈվբեդ, 38եւ Ովբեդ ծնաւ զՅէու, եւ Յէու ծնաւ զԱզարիաս, 39եւ Ազարիաս ծնաւ զՔեղղէս, եւ Քեղղէս ծնաւ զԵղէասա, 40եւ Եղէասա ծնաւ զՍոսոմէ, եւ Սոսոմէ ծնաւ զՍաղղում, 41եւ Սաղղում ծնաւ զՅեքոնիաս, եւ Յեքոնիա՝՝ ծնաւ զԵղիսամա։

42Եւ որդիք Քաղեբայ եղբօր Յերեմիելի՝ Մարիսա անդրանիկ նորա. սա է հայր Զիփայ. եւ որդիք Մարիսայ հօր՝՝ Քեբրոնի։ 43Եւ որդիք Քեբրոնի՝ Կորխ եւ Թափսի, եւ Հռոկոմ եւ Սեմաա։ 44Եւ Սեմաա ծնաւ զՀռաամ զհայրն Յերակայ, եւ Յերակայաս՝՝ ծնաւ զՍաղամա։ 45Եւ որդիք նորա Մաովն, հայր Բեթսովրայ։ 46Եւ Գեփա հարճ Քաղեբայ՝ ծնաւ զԱռան, եւ զՅովսա եւ զԳեզուէ։ 47Եւ որդիք Ադայի՝ Հռագեմ եւ Ովթամ եւ Գեսոմ եւ Փաղէա եւ Գեփա եւ Սագափ։ 48Եւ հարճն Քաղեբայ Մովքա՝ ծնաւ զՍեբեր եւ զԹաքնա։ 49Եւ ծնաւ Սագափ զհայրն Մադենայ, եւ Սաւուղ զհայրն Մաքամենայ, եւ զհայրն Բաաղայ. եւ դուստրն Քաղեբայ Ասքա՝՝։

50Սոքա էին որդիք Քաղեբայ. որդիք Ովրայ անդրանկանն Եփրաթայ՝ Սովբաղ հայր Կարիաթարիմայ, 51Սաղմոն հայր Բեթղամոնայ, հայր Բեթղեէմ, Արի՝՝ հայր Բեթեգովրայ։ 52Եւ էին որդիք Սովբաղայ հօրն Կարիաթարիմայ՝ 53Արա, Եսի, Ամանիթ, Թիւմասփայէ եւ Հռիաթիաւր, Եթաղիմ եւ Եփիթին եւ Սամաթին, Հեմասարին՝՝. ի նոցանէ ելին Սարաթացիք եւ Եսթաւուղացիք։ 54Որդիք Սաղմոնի՝ Բեթղեհեմ եւ Նետոփաթի, Ատարովթ, տուն Յովաբայ եւ Կեսմանաթայ, Եսարայի՝՝. 55տոհմ դպրացն որք բնակէին ի Գաբէս, Ագաթեիմ, եւ Սամաթիիմ, Սովկաթիիմ՝՝. սոքա են տունք որք եկին յԵմաթայ, հօր տան Հռեքաբայ։