1Եւ սոքա են որդիք Դաւթայ որք ծնան նմա ի Քեբրոն. անդրանիկն Ամմոն՝ յԱքինովամայ Յեզրայելացւոյ. եւ երկրորդն Դաղուիա՝ յԱբիգեայ Կարմեղացւոյ. 2երրորդն Աբիսողոմ, որդի Մովքայ՝ դստեր Թողմայ թագաւորին Գեսուրայ. չորրորդ Ադոնիա՝ որդի Ագիթայ. 3հինգերորդ Սափատիաս՝ յԱբիտաղայ. վեցերորդ Յեթրամ, յԵղգաթայ կնոջէ իւրմէ։ 4Սոքա ծնան նմա ի Քեբրոն. եւ թագաւորեաց անդ զեւթն ամ եւ զվեց ամիս. եւ երեսուն եւ երիս ամս թագաւորեաց յԵրուսաղէմ։

5Եւ սոքա ծնան նմա յԵրուսաղէմ, Սամաա, Սովբաբ, Նաթան, եւ Սողոմոն ի Բերսաբեացւոյն ի դստերէ Ամիելի. 6եւ Յեբաար եւ Եղիսամա եւ Եղիփաղէտ 7եւ Նագեբ եւ Նափեկ եւ Յափիի 8եւ Եղիսամա եւ Եղիադա. սոքա ինն եւ տասն որդի՝՝ 9Դաւթայ, առանց որդւոց հարճից նորա. եւ Թամար քոյր նոցա։

10Որդիք Սողոմոնի, Ռոբովամ եւ Աբիաս որդի նորա, Ասա որդի նորա, Յովսափատ որդի նորա, 11Յովրամ որդի նորա, Ոքոզիաս որդի նորա, Յովաս որդի նորա. Ամասիա որդի նորա, Ազարիա որդի նորա, 12Յովաթամ որդի նորա, 13Աքազ որդի նորա, Եզեկիա որդի նորա, Մանասէ որդի նորա, 14Ամովն որդի նորա, Յովսիա որդի նորա։ 15Եւ որդիք Յովսեայ, անդրանիկ՝ Յովաքազ, երկրորդ Յովակիմ, երրորդ Սեդեկիա, չորրորդ՝ Սեղում։ 16Եւ որդիք Յովակիմայ, Յեքոնիաս որդի նորա, Սեդեկիաս որդի նորա։ 17Եւ որդիք Յեքոնիայ, Ասիր, Սաղաթիէլ որդի նորա։ 18Մեղքիրամ եւ Փադայիաս եւ Սովսամով եւ Նաբատիաս եւ Սանեսար եւ Յեքոնիաս։ 19Եւ որդիք Սաղաթիելի՝՝, Զորաբաբէլ եւ Սեմէի. եւ որդիք Զորաբաբելի՝ Մասողամոս եւ Անանիաս եւ Սաղովմէ քոյր նոցա, 20եւ Ասեբա եւ Ոող եւ Բարաքիաս եւ Ասադիաս եւ Ասոբասէդ, ութ։ 21Եւ որդիք Անանեայ՝ Փաղէտիա, եւ Յեսիա որդի նորա, Հռափայիա որդի նորա, Ոռնա որդի նորա, Աբդիա որդի նորա, Սեքենիա որդի նորա։ 22Եւ որդիք Սեքենեայ՝ Սամայիա. եւ որդիք Սամայեայ՝ Քետտուս եւ Յովէլ եւ Բերիա եւ Նովադիա եւ Սափատ եւ Սափեք՝՝, վեց։ 23Եւ որդիք Նովադեայ՝ Եղիոնէ, Եզեկիաս, Եսրիկամ, երեք։ 24Եւ որդիք Եղիոնեայ, Ովդուիա եւ Եղիասիբ եւ Փադայիա եւ Ակկուբ եւ Յովնան եւ Դաղայիա եւ Անանիա, եւթն։