1Որդիք Ղեւեայ՝ Գերսոն, Կահաթ եւ Մերարի։ 2Որդիք Կահաթու՝ Ամրամ եւ Իսահառ, Քեբրոն եւ Ոզիէլ։ 3Եւ որդիք Ամրամայ՝ Ահարոն եւ Մովսէս եւ Մարիամ. եւ որդիք Ահարոնի՝ Նադաբ եւ Աբիուդ, Եղիազար եւ Իթամար։ 4Եւ Եղիազար ծնաւ զՓենեէս, Փենեէս ծնաւ զԱբեսսու, 5Աբեսսու ծնաւ զԲոկկի, Բոկկի ծնաւ զՈզիա, 6Ոզիա ծնաւ զԱրէաս, Արէաս ծնաւ զՄարէովթ, 7Մարէովթ ծնաւ զԱմարիաս, Ամարիաս ծնաւ զԱքիտովբ, 8Աքիտովբ ծնաւ զՍադովկ, Սադովկ ծնաւ զԱքիմաաս, 9Աքիմաաս ծնաւ զԱզարիաս, 10Ազարիաս ծնաւ զՅովնաս, Յովնաս ծնաւ զԱզարիաս. սա էր քահանայ ի տանն Աստուծոյ, զոր շինեաց Սողոմոն յԵրուսաղէմ։ 11Եւ ծնաւ Ազարիա զԱմարիաս, Ամարիաս ծնաւ զԱքիտովբ, 12Աքիտովբ ծնաւ զՍադովկ, Սադովկ ծնաւ զՍեղղում, Սեղղում ծնաւ զՔեղկիաս, 13Քեղկիաս ծնաւ զԱզարիաս, 14Ազարիաս ծնաւ զՍարեաս, Սարեաս ծնաւ զՅովսեդեկ, 15եւ Յովսեդեկ գնաց ի գերութեանն ընդ Յուդայի եւ Երուսաղեմի ի ձեռն Նաբուքոդոնոսորայ։

16Որդիք Ղեւեայ՝ Գերսոն, Կահաթ եւ Մերարի։ 17Եւ այսոքիկ անուանք որդւոցն Գերսոնի՝ Ղոբենի եւ Սեմէի։ 18Եւ որդիք Կահաթու՝ Ամրամ եւ Իսահառ, Քեբրոն եւ Ոզիէլ։ 19Որդիք Մերարեայ՝ Մոողի եւ Մուսի. եւ այսոքիկ տոհմք Ղեւեայ ըստ ազգին իւրեանց։

20Գերսոնի՝ Ղոբենայ որդւոյն իւրոյ, Յեթթի որդի նորա, 21Յովաք որդի նորա, Աբդիու՝՝ որդի նորա, Զարա որդի նորա, Յաթրի որդի նորա։

22Որդիք Կահաթու՝ Իսահառ որդի նորա, 23Կորխ որդի նորա, Ասիր որդի նորա, Եղկանա որդի նորա, Աբիսափ որդի նորա, 24Ասիր որդի նորա, Թաաթ որդի նորա, Ուրիէլ որդի նորա, Ոզիաս որդի նորա, Սաւուղ որդի նորա։ 25Եւ որդիք Եղկանայ՝ Ամաս եւ Աքիմովթ, 26Եղկանա որդի նորա՝՝, Սուփի որդի նորա, Նահաթ որդի նորա, 27Եղիաբ որդի նորա, Յերոամ որդի նորա, Եղկանա որդի նորա։ 28Որդիք Սամուելի՝ անդրանիկ նորա Յովէլ եւ երկրորդն Աբիա։ 29Որդիք Մերարեայ՝ Մոողի, Նաբար. Ղոբենի որդի նորա, Սեմէի որդի նորա, Ոզա որդի նորա, 30Սամաա որդի նորա, Անգիա որդի նորա, Ասիա որդի նորա։

31Եւ սոքա են զորս կացոյց Դաւիթ ի վերայ երգեցողացն ի տան Տեառն ի դադարեցուցանել զտապանակն. 32եւ էին պաշտօնեայք առաջի խորանին տանն վկայութեան նուագարանօք, մինչեւ շինեաց Սողոմոն զտունն Տեառն յԵրուսաղէմ. եւ կացին ի կարգին իւրեանց ի պաշտամանն իւրեանց։ 33Եւ սոքա են որ կացին եւ որդիք իւրեանց. Էման՝ թոռն Սամուելի, ի Կորխայ Կահաթացի։՝՝ Յորդւոցն Կահաթու՝ Էման սաղմոսանուագ, որդի Յովելի, որդւոյ Սամուելի, 34որդւոյ Եղկանայի, որդւոյ Յերոամայ. որդւոյ Եղիելի, որդւոյ Թովկեայ, 35որդւոյ Սուփեայ, որդւոյ Եղկանայ, որդւոյ Մաաթայ, որդւոյ Ամասեայ, 36որդւոյ Եղկանայ, որդւոյ Յովելի, որդւոյ Ազարեայ, որդւոյ Սափանայ, 37որդւոյ Թաաթայ, որդւոյ Ասիրայ, որդւոյ Աբիասաբայ, որդւոյ Կորխայ, 38որդւոյ Իսահառայ, որդւոյ Կահաթու, որդւոյ Ղեւեայ, որդւոյ Իսրայելի։ 39Եւ եղբայր նորա Ասափ, որ կայր ընդ աջմէ նորա. Ասափ որդի Բարաքեայ, որդւոյ Սամաայ, 40որդւոյ Միքայելի, որդւոյ Բաասեայ, որդւոյ Մեղքեայ, 41որդւոյ Աթանեայ, որդւոյ Զարեայ, որդւոյ Յադեայ, 42որդւոյ Ուրիայ, որդւոյ Զամմայ, որդւոյ Սեմեայ, 43որդւոյ Յեթեայ, որդւոյ Գերսոնի, որդւոյ Ղեւեայ։ 44Եւ որդիք Մերարեայ եղբարք նոցա ի ձախմէ. Եթան որդի Կիսանայ, որդւոյ Աբդեայ, որդւոյ Մաղունայ, 45որդւոյ Ասեբեայ, որդւոյ Ամեսսեայ, որդւոյ Քեղկեայ, 46որդւոյ Ամասեայ, որդւոյ Բաանայ, որդւոյ Սեմերայ, 47որդւոյ Մոողայ, որդւոյ Մուսեայ, որդւոյ Մերարեայ, որդւոյ Ղեւեայ։ 48Եւ եղբարք նոցա ըստ տանց տոհմից իւրեանց՝ Ղեւտացիք, տուեալք յամենայն ի գործ պաշտաման խորանին տանն Աստուծոյ։

49Եւ Ահարոն եւ որդիք նորա ծխէին խունկս ի վերայ սեղանոյն ողջակիզաց եւ ի վերայ սեղանոյն խնկոցն, յամենայն ի գործ սրբութեան սրբութեանցն, քաւել վասն Իսրայելի ըստ ամենայնի զոր պատուիրեաց Մովսէս ծառայ Աստուծոյ։ 50Եւ սոքա են որդիք Ահարոնի. Եղիազար որդի նորա, Փենեէս որդի նորա, Աբիսու որդի նորա, 51Բոկկի որդի նորա, Ոզիա որդի նորա, 52Զարա որդի նորա, Մերաովթ որդի նորա, Ամարիա որդի նորա, 53Աքիտովբ որդի նորա, Սադովկ որդի նորա. Աքիմաաս որդի նորա։

54Եւ այսոքիկ են բնակութիւնք նոցա ի գեղս իւրեանց, ի սահմանս իւրեանց՝ որդւոցն Ահարոնի՝ ի տոհմին Կահաթու. վասն զի նա եղեւ խիստ իշխան՝՝։ 55Ետուն նոցա զՔեբրոն յերկրին Յուդայ, եւ զզատուցեալսն նորա շուրջ զնովաւ. 56եւ զդաշտն քաղաքին. եւ զգեղսն նորա ետուն Քաղեբայ որդւոյ Յեփոնեայ։ 57Եւ որդւոցն Ահարոնի ետուն զքաղաքս ապաւինութեանցն, զՔեբրոն եւ զՂոբնա, եւ շուրջ զզատուցեալսն նոցա. եւ զՅեթեր՝ եւ զզատուցեալսն նորա, եւ՝՝ զԵսթամով՝ եւ զզատուցեալսն նորա, 58եւ զԵղոն՝ եւ զզատուցեալսն նորա, եւ զԴաբիր՝ եւ զզատուցեալսն նորա, 59եւ զԱսան՝ եւ զզատուցեալսն նորա, եւ զԲեթսամիւս՝ եւ զզատուցեալսն նորա, եւ զԲեթեր՝ եւ զզատուցեալսն նորա։՝՝ 60Եւ ի ցեղէն Բենիամինի, զԳաբա՝ եւ զզատուցեալսն նորա, եւ զԳաղեմէթ՝ եւ զզատուցեալսն նորա, եւ զՂաբեէ՝ եւ զզատուցեալսն նորա,՝՝ զԱնաթովթ՝ եւ զզատուցեալսն նորա, զԱնքովս՝ եւ զզատուցեալսն նորա.՝՝ ամենայն քաղաքք չորեքտասան, քաղաքք տոհմից իւրեանց։

61Եւ որդւոցն Կահաթու մնացելոց ըստ տոհմից իւրեանց, ի ցեղէ կիսոյ ցեղին Մանասէի՝ վիճակաւ քաղաքս տասն։

62Եւ որդւոցն Գերսոնի ըստ տոհմից իւրեանց, ի ցեղէն Իսաքարայ եւ ի ցեղէն Ասերայ եւ ի ցեղէն Նեփթաղիմայ եւ ի ցեղէն Մանասէի ի Բասան՝ քաղաքս երեքտասան։

63Եւ որդւոցն Մերարեայ ըստ տոհմից իւրեանց, ի ցեղէն Ռուբենի եւ ի ցեղէն Գադայ եւ ի ցեղէն Զաբուղոնի, վիճակաւ քաղաքս երկոտասան։

64Եւ ետուն որդիքն Իսրայելի Ղեւտացւոցն զքաղաքսն, եւ շուրջ զզատուցեալսն նոցա։ 65Եւ ետուն վիճակաւ ի ցեղէ որդւոցն Յուդայ եւ ի ցեղէ որդւոցն Շմաւոնի եւ ի ցեղէ որդւոցն Բենիամինի, զքաղաքսն զայնոսիկ զորս կոչեցին յանուանէ։ 66Եւ տոհմից որդւոցն Կահաթու եղեն քաղաքք սահմանաց իւրեանց ի ցեղէն Եփրեմի։ 67Եւ ետուն նոցա զքաղաքսն ապաւինի, զՍիւքեմ եւ շուրջ զզատուցեալսն նորա ի լերինն Եփրեմի, եւ զԳազեր՝ եւ զզատուցեալսն նորա, 68եւ զՅեկնամ՝ եւ զզատուցեալսն նորա, եւ զԲեթորոն՝ եւ զզատուցեալսն նորա, 69եւ զԵղովն՝ եւ զզատուցեալսն նորա, եւ զԳեթրեմոն՝ եւ զզատուցեալսն նորա։ 70Եւ ի կիսոյ ցեղէն Մանասէի զԵներ՝ եւ զզատուցեալսն նորա, եւ զԻբղաամա՝ եւ զզատուցեալսն նորա, ըստ տոհմից որդւոցն Կահաթու մնացորդաց։

71Որդւոցն Գերսոնի ըստ տոհմից իւրեանց՝՝ ի կիսոյ ցեղէն Մանասէի, զԳողովն ի Բասան՝ եւ շուրջ զզատուցեալսն նորա, զԱստարովթ՝ եւ զզատուցեալսն նորա։ 72Եւ ի ցեղէն Իսաքարայ՝ զԿեդէս եւ զզատուցեալսն նորա, զԿադիր՝ եւ զզատուցեալսն նորա, 73Հռամովթ՝ եւ զզատուցեալսն նորա, զԱնամ՝ եւ զզատուցեալսն նորա. 74եւ ի ցեղէն Ասերայ՝ զՄասաղ եւ զզատուցեալսն նորա, զԱւդոն՝ եւ զզատուցեալսն նորա, 75զՅակակ՝ եւ զզատուցեալսն նորա, զՀռովթ՝ եւ զզատուցեալսն նորա. 76եւ ի ցեղէն Նեփթաղիմայ՝ զԿեդէս ի Գալիլեա՝ եւ զզատուցեալսն նորա, զՔամով եւ զզատուցեալս նորա, զԿարիաթեմ՝ եւ զզատուցեալսն նորա։

77Եւ որդւոցն Մերարեայ մնացորդաց, ի ցեղէն Զաբուղոնի՝ զՅեկոման եւ զզատուցեալսն նորա, զԿադէս՝ եւ զզատուցեալսն նորա,՝՝ զՀռեմոն՝ եւ զզատուցեալսն նորա, զԹաբովր՝ եւ զզատուցեալսն նորա։ 78Եւ յեզերն Յորդանանու Երիքովի, յարեւմտից Յորդանանու, ի ցեղէն Ռուբենի, զԲոսոր յանապատին եւ զզատուցեալսն նորա, եւ զՅասա եւ զզատուցեալսն նորա, 79եւ զԿադեմովթ՝ եւ զզատուցեալսն նորա, եւ զՄեփաաթ՝ եւ զզատուցեալսն նորա։ 80Եւ ի ցեղէն Գադայ, զՌամովթ ի Գաղաադ՝ եւ զզատուցեալսն նորա, եւ զՄանայեմ՝ եւ զզատուցեալսն նորա, 81եւ զՅեսեբոն՝ եւ զզատուցեալսն նորա, եւ զՅազեր՝ եւ զզատուցեալսն նորա։