1Եւ սոքա են որդիք Իսաքարայ. Թովղա եւ Փուա եւ Յասուբ եւ Սամրամ, չորք։ 2Եւ որդիք Թովղայ՝ Ոզիա եւ Հռափայիաս եւ Յերիէլ եւ Յեմու եւ Յեբամ եւ Սամուէլ, իշխանք ըստ տանց տոհմից իւրեանց. եւ Թուղ եւ Անան՝՝, զօրաւորք ուժով ըստ ազգին իւրեանց. եւ գունդն նոցա յաւուրս Դաւթայ՝ քսան եւ երկու հազարք եւ վեց հարեւր։ 3Եւ որդիք Ոզիայ՝ Յեզերիաս, եւ որդիք Յեզերեայ՝ Միքայէլ եւ Աբդիաս եւ Յովէլ եւ Յեսիաս. իշխանք ամենեքեան։ 4Եւ ընդ նոսա ըստ ազգին իւրեանց, ըստ տանց տոհմից իւրեանց, զօրաւորք կարգեալք ի պատերազմ՝ երեսուն եւ վեց հազար. վասն զի բազմացուցին կանայս եւ որդիս։ 5Եւ եղբարք նոցա յամենայն տոհմսն Իսաքարայ զօրաւորք ուժով, ութսուն եւ եւթն հազար՝ թիւ նոցա ամենեցուն։

6Որդիք Բենիամինի՝ Բաղէ եւ Բոքոր եւ Ադիէլ, երեք։ 7Սոքա են որդիք Բաղեայ՝ Ասեբոն եւ Ոզիա եւ Ոզիէլ եւ Երեմովթ եւ Ուրի, հինգ. իշխանք տանց տոհմից իւրեանց զօրաւորք ուժով. եւ թիւ նոցա քսան եւ երկու հազարք եւ երեսուն եւ չորք։ 8Եւ որդիք Բոքորեայ՝ Զամարիաս եւ Յովաս եւ Եղիազար եւ Եղիողէ եւ Ամրի եւ Երիմովթ եւ Աբիու եւ Անաթովթ եւ Եղմեթեմ. ամենեքեան սոքա որդիք Բոքորեայ, 9իշխանք տանց տոհմիցն իւրեանց ըստ ազգին իւրեանց զօրաւորք ուժով. եւ թիւ նոցա քսան հազար եւ երկերիւր։ 10Եւ որդիք Ադիելի՝ Բաղաան, եւ որդիք Բաղաանու՝ Յէովս եւ Բենիամին եւ Աւովդ եւ Քանաան եւ Զեդան եւ Թարսիս եւ Աքիսաար։ 11Ամենեքեան սոքա որդիք Ադիելի, իշխանք տոհմիցն իւրեանց զօրաւորք ուժով, եւթնեւտասն հազար եւ երկերիւր, որք ելանէին զօրութեամբ պատերազմել։ 12Եւ Սափիմ եւ Աբիմ եւ որդիք Սովրայայ՝ Սոբու, եւ որդի նորա Յաթեր՝՝։

13Որդիք Նեփթաղիմայ՝ Յասիէլ եւ Գովնի եւ Սահառ եւ Սեղղում. որդիք Բաղղայ։

14Որդիք Մանասէի՝ Եսրիէլ՝ զոր ծնաւ նմա հարճն իւր Ասորի. եւ ծնաւ զՄաքիր զհայրն Գաղաադու. 15եւ Մաքիր առ կին Սափինայ եւ Սեփոնայ, անուն քեռ նորա Մաաքա եւ անուն երկրորդին Սափաադ. եւ ծնան Սափաադայ՝՝ դստերք։ 16Եւ ծնաւ Մաաքա կինն Մաքիրայ որդի, եւ կոչեաց զանուն նորա Փարէս, եւ անուն եղբօր նորա Սորոմ, եւ որդւոյ նորա Ուղամա՝՝։ 17Որդի Ուղամայ՝ Բադիմ. սոքա են որդիք Գաղաադայ, որդւոյ Մաքիրայ որդւոյ Մանասէի. 18եւ քոյր նորա Մաղէքէթ ծնաւ զԷսուգ եւ զԱբիեզեր եւ զՄոողա. 19եւ էին որդիք Սէմիդայ՝ Ային եւ Սիւքեմ եւ Ղակէիա եւ Անիամ։

20Եւ որդիք Եփրեմի՝ Սութաղա եւ Բարագ որդի նորա, եւ Թաաթ որդի նորա, եւ Եղիադ որդի նորա, Նոմեէ որդի նորա, Զաբեդ որդի նորա, 21Սութաղա որդի նորա, Եզեր որդի նորա, եւ Եղէադ որդի նորա՝՝. եւ սպանին զնոսա արք Գեթացիք ծնեալք յերկրին, վասն զի իջին առնուլ զանասունս նոցա. 22եւ սուգ ա՛ռ Եփրեմ հայրն նոցա յաւուրս բազումս, եւ եկին եղբարք նորա մխիթարել զնա։ 23Եւ եմուտ առ կինն իւր, յղացաւ եւ ծնաւ որդի, եւ կոչեաց զանուն նորա Բարիա. վասն զի Ի չար ժամանակի ծնաւ, ասէ, ի տան իմում՝՝։ 24Եւ դուստր նորա Սէէրա. եւ մնացորդօքն այնոքիւք՝՝ շինեաց զԲեթորոն ներքին եւ զվերին։ Եւ որդիք Ոզանայ՝ Սէէրա։ 25Եւ Հռափայէ որդի նորա, եւ Հռասէփ, եւ Թաղէ որդի նորա, Թաան որդի նորա, 26եւ Եղոդան որդի նորա, Ամիուդ որդի նորա, Եղիսամա որդի նորա, 27Նուն որդի նորա, Յեսու որդի նորա։ 28Եւ կալուածք նոցա եւ բնակութիւն իւրեանց ի Բեթէլ, եւ գեղք նորին յարեւելս. Գազեր՝՝ եւ գեղք նորին, եւ Սիւքեմ եւ գեղք նորին մինչեւ ի Գազա եւ ի գեղսն նորա, 29եւ մինչեւ ի սահմանս որդւոցն Մանասէի, Բեթսան եւ գեղք նորա, Թանաք եւ գեղք նորա, Գաղաադ եւ գեղք նորա՝՝, Մակեդդով եւ գեղք նորա, Դովր եւ գեղք նորա. ի նոսա բնակեցան որդիքն Յովսեփու՝ որդւոյ Իսրայելի։

30Որդիք Ասերայ՝ Յեմնա եւ Յասուր՝՝ եւ Յեսովա եւ Յեսու եւ Բարիա եւ Սարա քոյր նոցա։ 31Եւ որդիք Բարեայ՝ Քաբեր եւ Մեղքիէլ. նա ինքն է հայր Զեբեթայ. 32եւ Քաբեր ծնաւ զՅափաղէտ եւ զՍովմեր եւ զՔովթամ եւ զՍովղամ զքոյրն նոցա։ 33Եւ որդիք Յափաղետայ՝ Բեսեքի, Բամայէլ եւ Ասիթ. սոքա են որդիք Յափաղետայ։ 34Եւ որդիք Սովմերայ՝ Աքիու, Հռաադա եւ Ոբա եւ Արամ։ 35Եւ որդիք Եղամայ եղբօրն՝ Սովփարայ՝՝, Յամանա եւ Սեղէս եւ Ամաաղ։ 36Որդիք Սովփարայ Առնափար եւ Սուաղ՝՝, 37եւ Բարի եւ Յեմրա, Բասար եւ Ովդ եւ Սեմա եւ Սաղիսա եւ Յեթեր եւ Բեէրա։ 38Եւ որդիք Յեթերայ՝ Յափինա եւ Փասփա եւ Արա։ 39Եւ որդիք Ովղայ՝ Որէք եւ Անիէլ եւ Հռայիէլ։ 40Ամենեքեան սոքա որդիք Ասերայ, ամենեքեան իշխանք եւ պետք տոհմիցն, ընտիրք զօրաւորք ուժով, իշխանք եւ առաջնորդք. եւ թիւ նոցա ի մարտ պատերազմի՝ արք քսան եւ վեց հազարք։