1Եւ Բենիամին ծնաւ զԲաղէ զանդրանիկ իւր, եւ զԱսբէղ զերկրորդն, եւ զԱրա երրորդ, 2եւ զՆովա չորրորդ, եւ զՀռափա հինգերորդ։ 3Եւ էին որդիք Բաղեայ՝ Արեդ եւ Գերա եւ Աբիուդ 4եւ Աբիսուէ եւ Նեէման 5եւ Գերա եւ Սովփան եւ Քիրամ եւ Սովիմ՝՝։ 6Սոքա են որդիք Ովդայ, եւ սոքա իշխանք տոհմիցն. բնակէին ի Գաբա, եւ գերեցին զնոսա ի Մանաքաթ. 7Նեէման եւ Աքիա եւ Գերա, նա ինքն է Եգղամ. եւ ծնաւ զՈզա եւ զԱքիադ. 8եւ Սաարիմ ծնաւ զՄովամ, յետ արձակելոյն զնա, եւ Ովսիմ եւ Բաարա՝՝։ 9Եւ Ադա կին նորա ծնաւ նմա զՅովբաբ եւ զՍաբիա եւ զՄովսա եւ զՄեղքամ 10եւ զՅեուս եւ զՍեքիա եւ զՄարմա. սոքա իշխանք տոհմիցն Յովսիմայ։ 11Եւ ծնաւ Մեովսիմ զԱբիտովբ եւ զԵղփաղա։ 12Եւ որդիք Եղփաղայ՝ Եբեր եւ Միսայէլ, Սեմեր, եւ նա շինեաց զՈվնով եւ զՂովդ, եւ զգեղս նորա. 13եւ զԲարիգա եւ զՍամա. սոքա են իշխանք տոհմից որ բնակէին յԵղամ, եւ սոքա հալածեցին զբնակիչսն Գեթայ։ 14Եւ եղբարք նոցա՝ Սովսէք եւ Յարիմաթ, 15եւ Զաբադիա եւ Արովդ եւ Ադեր 16եւ Միքայէլ եւ Յեսփաք եւ Յովաքա, որդիք Բարիգայ։ 17Զաբադիա եւ Մոսոքամ եւ Ազակի եւ Քաբեր 18եւ Յեսամարի եւ Եսիեղա եւ Յովբաբ որդիք Եղփաղայ։ 19Եւ Յակիմ եւ Զէքրի եւ Զաբդի 20եւ Եղիովնէ եւ Սաղթի եւ Եղիէլ 21եւ Ադայիա եւ Բերիգա եւ՝՝ Բարեա եւ Սամարիամ։ 22Որդիք Ամարեայ,՝՝ Յեսփան եւ Եբեր եւ Եղիէլ 23եւ Աբդոն եւ Զեքրի եւ Անան 24եւ Անանիա եւ Ամբրի եւ՝՝ Եղամ եւ Անաթովթիա եւ Աթին՝՝ 25եւ Յեփադիա եւ Փանուէլ՝ որդիք Սովսեկայ։ 26Սամսարիա եւ Սարայիա եւ Գոթողիաս 27եւ Արասիաս եւ Հեղիաս եւ Զեքրի, որդիք Երոմայ։ 28Սոքա իշխանք տոհմից ըստ ազգին իւրեանց առաջնորդք, եւ սոքա բնակեցան յԵրուսաղէմ։

29Եւ ի Գաբաւոն բնակեաց հայրն Գաբաւոնի, եւ անուն կնոջ նորա Մաաքա։ 30Եւ որդիք նորա՝ անդրանիկ Աբդոն եւ Յեսուր եւ Կիս եւ Բահաղ եւ Նէր՝՝ եւ Նադաբ 31եւ Գեդուր, եւ եղբարք նորա՝՝ եւ Զաքար։ 32Եւ Մակեղովթ որ ծնաւ զՍամաա. եւ սոքա դէմ յանդիման եղբարցն իւրեանց բնակեցան յԵրուսաղէմ ընդ եղբարսն իւրեանց։

33Եւ Նէր ծնաւ զԿիս, եւ Կիս ծնաւ զՍաւուղ, եւ Սաւուղ ծնաւ զՅովնաթան եւ զՄեղքիսաւէ եւ զԱբինադաբ եւ զԻսմայէլ։ 34Եւ Յովնաթան ծնաւ զՄեմփիբաաղ, եւ Մեմփիբաաղ՝՝ ծնաւ զՄիքա. 35եւ որդիք Միքայի՝ Փիդոն եւ Մաղովք եւ Թարէ եւ Աքազ։ 36Եւ Աքազ ծնաւ զՅովիդա, եւ Յովիդա ծնաւ զԳաղեմաթ եւ զԱզեմովթ եւ զԶամբրի, եւ Զամբրի ծնաւ զՄոսա, 37եւ Մոսա ծնաւ զԲանաա եւ զՌափա որդի նորա, եւ զԵղէաս որդի նորա, եւ զԵսէլ որդի նորա։ 38Եւ Եսելի վեց որդիք. եւ այսոքիկ անուանք նոցա, Եզրիկամ անդրանիկ նորա՝՝, եւ Իսմայէլ եւ Սաարիա եւ Աբդիա եւ Անան. ամենեքեան սոքա որդիք Եսելի։ 39Եւ որդիք Եսեղկանայ եղբօր նորա, Ուղամ անդրանիկ նորա, եւ Աւաս երկրորդ, եւ Եղիփաղէտ երրորդ։ 40Եւ էին որդիք Ուղամայ զօրաւորք՝ արք ուժով, որք լարէին աղեղունս. եւ բազմացուցին որդիս եւ զորդիս որդւոց, հարեւր եւ իննսուն. ամենեքեան սոքա յորդւոցն Բենիամինի։