Դանիէլ

12

1Եւ ես յառաջնում Կիւրոսի կայի ի հաստատութեան եւ ի զօրութեան՝՝։ 2Եւ արդ պատմեցից քեզ զճշմարտութիւնն. Ահա երեք թագաւորք յարիցեն յերկրիդ Պարսից, եւ չորրորդն մեծասցի մեծութիւն մեծ քան զամենեսեան. եւ յետ զօրանալոյ նորա ի մեծութեան , յարիցէ ի վերայ թագաւորութեանցն՝՝ Յունաց։

3Եւ յարիցէ թագաւոր հզօր, եւ տիրեսցէ տէրութեամբ բազմաւ, եւ արասցէ ըստ կամս իւր. 4եւ իբրեւ յարիցէ՝ թագաւորութիւն նորա փշրեսցի, եւ բաժանեսցի ի չորս հողմս երկնից. եւ ըստ վախճանի՝՝ նորա, եւ ոչ ըստ տէրութեան նորա զոր տիրեաց. զի խլեսցի թագաւորութիւն նորա, եւ այլոց՝ թող զնոցայն։

5Եւ զօրասցի թագաւորն հարաւոյ, եւ մի յիշխանացն զօրասցի ի վերայ նորա, տիրեսցէ տէրութիւն մեծ։ 6Եւ ամացն իւրեանց խառնակեսցին՝՝ ընդ միմեանս. եւ դուստր արքային հարաւոյ մտցէ առ արքայն հիւսիսոյ՝ առնել դաշինս ընդ նմա. եւ ոչ հանդարտեսցէ զօրութեան բազկին, եւ ոչ զաւակ նորա. եւ մատնեսցի ինքն եւ ածելիքն իւր, օրիորդն եւ որ զօրացուցանէր զնա ի ժամանակին։

7Եւ ի ծաղկէ արմատոյ նորա ի վերայ պատրաստութեան իւրոյ՝՝, եւ եկեսցէ առ զօրութիւնն. եւ մտցէ ի հաստատութիւնս թագաւորութեանն հիւսիսոյ, եւ արասցէ ընդ նոսա, եւ զօրասցի։ 8Եւ զաստուածս նոցա կործանեսցէ հանդերձ ձուլածոյիւք նոցա, եւ զամենայն սպասս ցանկալիս նոցա՝ զոսկւոյ եւ զարծաթոյ գերի առեալ բերիցէ յԵգիպտոս, եւ հաստատեսցի քան զթագաւորն հիւսիսոյ. 9եւ մտցէ ի թագաւորութիւն արքային հարաւոյ, եւ դարձցի անդրէն յերկիր իւր։

10Եւ նորա ժողովեսցեն ամբոխ զօրաց բազմաց. եւ՝՝ մտցէ դիմեալ, եւ հեղեղատեսցէ եւ անցցէ, դադարեսցէ, եւ գրգռեսցի մինչեւ ի զօրութիւն՝՝ նորա։ 11Եւ գազանասցի թագաւորն հարաւոյ, եւ ելցէ եւ տացէ ընդ թագաւորին . եւ գումարեսցէ զօր բազում, եւ զօրն ի ձեռս նորա։ 12Եւ առցէ զամբոխն, եւ բարձրասցի սիրտ նորա. եւ կործանեսցէ զբիւրաւորս, եւ ոչ զօրասցի։ 13Եւ դարձցի արքայն հիւսիսոյ, եւ ածցէ զօր բազում քան զառաջինն. եւ ի ժամանակաց եկեսցէ մտանել զօրու մեծաւ եւ ստացուածովք։ 14Եւ ի ժամանակսն յայնոսիկ բազումք յարիցեն ի վերայ թագաւորին հարաւոյ. եւ մնացելոց ժողովրդեան քո բարձրասցին ի հաստատել զտեսիլն, եւ տկարասցին։ 15Եւ մտցէ հարաւոյ, եւ կուտեսցէ հող, եւ առցէ զքաղաքս ամուրս. եւ բազուկք արքային ոչ հաստատեսցին. յարիցեն ընտրեալք՝՝ նորա, եւ ոչ իցէ զօրութիւն կալոյ։ 16 արասցէ ի մտանելն իւրում առ նա՝՝ զկամս իւր, եւ ոչ ոք իցէ որ ունիցի զդէմ նորա. եւ կացցէ Սաբիմայ, եւ վախճանեսցի ի ձեռս նորա։ 17Եւ դիցէ զերեսս իւր զօրութեամբ իւրով յամենայն թագաւորութիւնս նորա, եւ զամենայն ուղղութիւնս առնիցէ ընդ նմա՝՝. եւ զդուստր կանանց տացէ նմա յապականութիւն, եւ ՛ յամրասցի, եւ մի՛ եղիցի նա նորա։ 18Եւ դարձուսցէ զերեսս իւր ի կղզիս, եւ առցէ զբազումս. այրեսցէ զիշխանսն որ նախատեցին զնոսա, եւ զնախատինս նոցա դարձուսցէ յերեսս նոցա։ 19Եւ դարձցի զօրութեամբ յերկիր իւր՝՝, եւ տկարասցի եւ անկցի, եւ ոչ գտանիցի։

20Եւ յարիցէ յարմատոյ նորա տունկ թագաւորութեան ի վերայ պատրաստութեան նորա, եւ բռնադատիցէ առնել շուք թագաւորութեան. եւ յաւուրսն յայնոսիկ խորտակեսցի, եւ ոչ երեսօք եւ ոչ պատերազմաւ։ 21Կացցէ ի վերայ պատրաստութեան իւրոյ, զի արհամարհեցաւ, եւ ոչ ետուն նմա փառս թագաւորութեան. եւ եկեսցէ յաջողութեամբ, եւ բռնադատեսցի թագաւորութեանց գայթակղութեամբք։ 22Եւ բազուկք այնր որ հեղեղատիցեն, եւ հեղեղատեսցին յերեսաց նորա. եւ խորտակեսցի եւ առաջնորդ ուխտին։ 23Եւ այնոցիկ որ խառնիցինն ի նա՝ արասցէ նենգութիւն. եւ ելցէ եւ զօրասցի ի վերայ նոցա սակաւ ազգաւ։ 24Եւ յաջողութեամբ բազում աշխարհօք եկեսցէ՝՝ եւ արասցէ զոր ոչ արարին հարք նորա, եւ ոչ հարք հարց նորա. եւ զաւար եւ զկապուտ եւ զստացուածս բաշխեսցէ նոցա, եւ ի Եգիպտացւոց խորհուրդ խորհեսցի մինչեւ ի ժամանակ։ 25Եւ զարթիցէ զօրութիւն նորա, եւ սիրտ նորա ի վերայ թագաւորին հարաւոյ զօրութեամբ մեծաւ. եւ թագաւորն հարաւոյ խմբեսցէ պատերազմ զօրաւ մեծաւ եւ հզօրաւ յոյժ, եւ հանդարտեսցէ. զի խորհեսցին ի վերայ նորա խորհուրդս։ 26 կերիցեն որ ինչ նմա անկ իցէ, եւ խորտակեսցեն զնա, եւ զզօրսն այրեսցեն՝՝, եւ անկցին վիրաւորք բազումք։ 27Եւ երկոցունց թագաւորացն սիրտք իւրեանց ի չարութեան. եւ ի միում սեղանի սուտ խօսեսցին, եւ մի՛ յաջողեսցի. վախճանն ի ժամանակս է՝՝։ 28Եւ դարձցի յերկիր իւր մեծութեամբ բազմաւ, եւ սիրտ նորա ի վերայ ուխտի սրբոյ. եւ արասցէ եւ դարձցի յերկիր իւր։

29Ի ժամանակի դարձցի, եւ եկեսցէ ի վերայ հարաւոյ, եւ ոչ եղիցի իբրեւ զառաջինն վերջինն։ 30Եւ մտցեն ի բանակք Կիտացւոց, եւ խոնարհեսցի եւ դարձցի եւ բարկասցի ի վերայ ուխտին սրբոյ. եւ արասցէ, եւ դարձցի գումարեսցի ի վերայ այնոցիկ ոյք թողին զուխտն սուրբ։ 31 յարիցեն զաւակք ի նմանէ՝՝, եւ պղծիցեն բռնութեամբ. եւ փոխեսցեն զհանապազորդութիւնն, եւ տացեն պղծութիւն ապականութեան։ 32Եւ ապականիչք ուխտին ածցեն ի վերայ իւրեանց զգայթակղութիւն՝՝. եւ որ ճանաչէ զԱստուած իւր՝ զօրասցին եւ արասցեն։ 33Եւ հանճարեղք բազում իմիք խելամուտ եղիցին՝՝. եւ տկարասցին սրով եւ հրով, եւ գերութեամբ եւ յափշտակութեամբ զաւուրս։ 34Եւ ի տկարանալ նոցա՝ օգնականութիւն ինչ սակաւ գտցեն, եւ յաւելցին ի նոսա գայթակղութեամբք։ 35Եւ ի հանճարեղացն տկարասցին ի փորձել զնոսա ընտրել, եւ յայտնել մինչեւ ի վախճան ժամանակի. զի ժամանակ է։ 36Եւ արասցէ ըստ կամաց իւրոց եւ բարձրասցի թագաւորն եւ հպարտասցի ի վերայ ամենայն աստուածոց, եւ ի վերայ Աստուծոյն աստուծոց ամբարտաւանս. եւ յաջողեսցի մինչեւ վախճանեսցի բարկութիւն, ի վախճան լինելոց է՝՝։ 37Եւ ի վերայ աստուծոց հարց իւրեանց ածցէ, եւ՝՝ վասն ցանկութեան կանանց, եւ զամենայն դիս զմտաւ ոչ ածցէ, եւ ի վերայ ամենայնի հպարտասցի. 38 զԱստուած հզօր ի տեղւոջէ իւրմէ՝՝ փառաւորեսցէ, եւ զաստուած զոր ոչ ծանեան հարք նորա՝ փառաւորեսցէ ոսկւով եւ արծաթով եւ ակամբք պատուականօք եւ ցանկալեօք։ 39 անցցէ յաւուրս փախստականաց ըստ աստուծոյ՝՝ օտարի, եւ փառս. եւ հնազանդեցուսցէ նմա՝՝ զբազումս, եւ զերկիրն բաժանեսցէ ի պարգեւի։

40Եւ ի ժամանակի վախճանի ոգորեսցի արքային հարաւոյ. եւ զօրաժողով լիցի՝՝ ի վերայ նորա արքայն հիւսիսոյ, կառօք եւ հեծելովք եւ նաւօք բազմօք, եւ յերկիրն եւ խորտակեսցէ՝՝ եւ անցցէ. 41եւ մտցէ Սաբայիմ, եւ տկարասցին. եւ սոքա իցեն որ ապրիցեն ի ձեռաց նորա, Եդովմ եւ Մովաբ, եւ իշխանութիւն որդւոցն Ամոնայ։ 42Եւ ձգեսցէ զձեռն յերկիրն. եւ երկիրն Եգիպտացւոց ոչ եղիցի ի փրկութիւն. 43եւ տիրեսցէ ի գաղտնեաց ոսկւոյ եւ արծաթոյ, եւ ի վերայ ամենայն Եգիպտացւոց եւ Լիբէացւոց, եւ Եթէովպացւոց յամուրս նոցա։ 44Եւ ապա համբաւք եւ տագնապք ճեպեսցեն զնա յարեւելից, եւ ի հիւսիսոյ եկեսցէ սրտմտութեամբ բազմաւ ապականել զբազումս։ 45Եւ հարցէ զխորան իւր յԵփագնոն, ի մէջ ծովուցն ի լեառն Սաբային սուրբ, եւ եկեսցէ մինչեւ ի կողմն մի նորա. եւ ոչ ոք իցէ որ փրկիցէ զնա։՝՝

Աստվածաշունչ «Գրաբար» Թարգմանություն (1895)