Ելից

24

1Եւ ասէ ցՄովսէս. Ել առ Տէր, դու եւ եւ Նաբադ եւ Աբիուդ եւ եւթանասուն այր ի ծերոցն Իսրայելի, պագցեն Տեառն՝՝ ի հեռաստանէ։ 2Եւ մերձեսցի միայն , եւ նոքա մի՛ մերձեսցին. բայց ժողովուրդն մի՛ ելցէ ընդ նոսա։

3Եւ եմուտ Մովսէս եւ պատմեաց ժողովրդեանն զամենայն Աստուծոյ եւ զամենայն իրաւունս. պատասխանի ետ ամենայն ժողովուրդն ի մի ձայն եւ ասեն. Զամենայն պատգամս զոր խօսեցաւ Տէր՝ արասցուք եւ լուիցուք՝՝։

4Եւ գրեաց Մովսէս զամենայն զպատգամսն Տեառն, եւ կանխեալ Մովսիսի ընդ առաւօտն, շինեաց ի ստորոտ լերինն, եւ երկոտասան վէմ կանգնեաց ըստ երկոտասան ազգացն Իսրայելի։ 5Եւ առաքեաց զերիտասարդս որդւոցն Իսրայելի, եւ հանին ողջակէզս, եւ զոհեցին փրկութեան Աստուծոյ՝՝ որթս։ 6Եւ առեալ Մովսիսի զկէս արեանն արկ ի խառնելիսն, եւ զկէս արեանն առաջի սեղանոյն։ 7Եւ առեալ զգիր ուխտին ընթերցաւ յականջս ժողովրդեանն. եւ ասեն. Զամենայն զոր խօսեցաւ Տէր՝ արասցուք եւ լուիցուք։ 8Եւ առեալ Մովսիսի զարիւնն՝ ցանեաց զժողովրդեամբն եւ ասէ. Ահա այս արիւն է ուխտին զոր ուխտեաց Տէր ընդ ձեզ վասն ամենայն բանիցս այսոցիկ։

9Եւ ելին Մովսէս եւ Ահարոն եւ Նաբադ եւ Աբիուդ եւ եւթանասունք ի ծերոցն Իսրայելի, 10եւ զտեղին ուր կայր Աստուած՝՝ Իսրայելի. եւ ընդ ոտիւք նորա իբրեւ զգործած աղիւսոյ շափիղայ, եւ զտեսիլ հաստատութեան երկնից սրբութեամբ։ 11Եւ յընտրելոցն Իսրայելի ոչ ծախեցաւ եւ ոչ մի. եւ երեւեցան ի տեղւոջն Աստուծոյ՝՝, եւ կերան եւ արբին։

12Եւ ասէ Տէր ցՄովսէս. Ել առ իս ի լեառնն, եւ անդ լինիջիր, եւ տաց քեզ տախտակս քարեղէնս եւ օրէնս եւ պատուիրանս զորս , լինել նոցա օրէնսդիր՝՝։ 13Յարեաւ Մովսէս եւ պաշտօնեայ նորա, ելին ի լեառնն Աստուծոյ. 14եւ ասէ ցծերսն. Դադարեցէք այդր մինչեւ դարձցուք առ ձեզ. եւ ահա Ահարոն եւ Ովր ընդ ձեզ են. եւ եթէ ուրուք ինչ լինիցի, երթիցեն առ նոսա։

15Եւ ել Մովսէս ի լեառն, եւ ծածկեաց ամպն զլեառնն։ 16Եւ իջին փառքն Աստուծոյ ի լեառնն Սինա, եւ ծածկեաց զնա ամպն զվեց օր. եւ կոչեաց Տէր զՄովսէս յաւուրն եւթներորդի ի միջոյ ամպոյն։ 17Եւ տեսիլ փառացն Տեառն իբրեւ զհուր բորբոքեալ ի վերայ գլխոյ լերինն՝ յանդիման որդւոցն Իսրայելի։ 18Եւ եմուտ Մովսէս ի մէջ ամպոյն, եւ ել ի լեառնն, եւ էր Մովսէս ի լերին անդ զքառասուն տիւ եւ զքառասուն գիշեր։

Աստվածաշունչ «Գրաբար» Թարգմանություն (1895)