1Եւ եղեն սահմանք ցեղի որդւոցն Յուդայ ըստ տոհմից իւրեանց՝ ի սահմանացն Եդովմայեցւոց, ի Սինն անապատէ մինչեւ ի Կադէս, ընդ հարաւակողմն՝՝։

2Եւ եղեն նոցա սահմանք ի հարաւոյ մինչեւ յեզր ծովուն Աղւոյ, ի սարոյն որ իջանէ ի հարաւակողմն, 3եւ անցանեն մինչեւ ի զառ ի վերին Ակրաբիմայ, եւ պատին զՍինաքաւ, եւ վերանան ի հարաւոյ ցԿադէսբառնեա, եւ ելանեն ի Հռովն, եւ ձգին առ Ադդարաւ, եւ պատին առ արեւմտիւքն Կադեսայ՝՝, 4եւ երթան ցԱսեմոնա, եւ հանեն մինչեւ ցձորն Եգիպտացւոց. եւ եղիցին նոքա ելք սահմանացն ընդ ծովակողմն. այս են նոցա՝՝ սահմանք ի հարաւոյ։

5Եւ սահմանք յարեւելից ամենայն ծովն Աղի մինչեւ ցեզրն Յորդանանու։ Եւ սահմանք նոցա ըստ հիւսիսի ի սարոյ ծովուն եւ յեզերէ Յորդանանու, 6հասանեն սահմանքն ի Բէթագղա, եւ շրջին առ հիւսիսով ցԲէթարաբա, եւ վերանան սահմանքն առ Բէովն վիմաւ որդւոցն Ռուբենի. 7եւ ելանեն սահմանքն առ չորրորդ մասամբ՝՝ ի ձորոյն Աքովրայ, եւ ընդ հարաւակողմն, եւ իջանեն ի Գաղգաղ, որ է հանդէպ մատուցին Եղոմիմայ, եւ՝՝ ընդ հարաւակողմն. եւ հասանէ սահմանն ի ջուր Արեգ աղբեր, եւ եղիցին նոցա ելք աղբերն Ռովգեղայ. 8եւ ելանեն սահմանքն ի ձոր որդւոցն Ենովմայ ի թիկանց Յեբուսայ ի հարաւոյ, այն է Երուսաղէմ. եւ հասանեն սահմանքն ի գլուխ լերինն որ է հանդէպ ձորոյն Ենովմայ ի ծովակոյս կողմանէ որ է յեզեր երկրին Ռափայնոց ընդ հիւսիսի. 9եւ հանէ սահմանն ի գլխոյ լերինն յաղբեւր ջրոյն Նափովթայ, եւ հատանէ լեառնն Եփրեմի ի Գայի՝՝. եւ հանէ սահմանն ի Բաաղ, այն է քաղաք Յարիմայ. 10եւ պատի սահմանն ի Բաաղայ ընդ ծովակողմն Ասարէս ի լեառնն Սէիր, եւ պատի զթիկամբք քաղաքին Յարիմայ ի հիւսիսոյ, այն է Քասղոն. եւ իջուցանէ յԱրեգ քաղաք, եւ անցանէ ի հարաւ՝՝. 11եւ հատանէ սահմանն ի թիկանց Ակկարոնի ընդ հիւսիսի. եւ հանեն սահմանքն ի Սարքայովնայ, եւ անցանեն առ լերամբ երկրին Բաաղայ, եւ հատանեն ցԱբնեղ. եւ եղիցին ելք սահմանաց նոցա ընդ ծովակողմն։

12Եւ զսահման նոցա ի ծովէ՝ ծովն մեծ զատանէ։ Այս են սահմանք որդւոցն Յուդայ շուրջանակի՝ ըստ տոհմից իւրեանց։

13Եւ Քաղեբայ որդւոյ Յեփոնեայ ետ բաժին ի մէջ որդւոցն Յուդայ հրամանաւ Աստուծոյ. եւ ետ նմա Յեսու զքաղաքն Արբոկ, զմայր քաղաքացն՝՝ Ենակայ, այն է Քեբրոն։ 14Եւ սատակեաց զնոսա անտի Քաղէբ որդի Յեփոնեայ՝՝, զերիս որդիսն Ենակայ՝ զՍուսի, զԹովմայի եւ զԱքիման, զծնունդս Ենակայ։ 15Եւ ել անտի Քաղէբ ի վերայ բնակչացն Դաբիրայ. եւ անուն Դաբիրայ էր յառաջագոյն քաղաք Նամակաց։ 16Եւ ասէ Քաղէբ. Որ ոք առցէ զքաղաքն Նամակաց, եւ տիրեսցէ նմա, տաց նմա զԱքսա դուստր իմ կնութեան։ 17Եւ առ զնա Գոթոնիէլ որդի Կենեզի, եղբայր Քաղեբայ կրտսեր՝՝. եւ ետ նմա զԱքսա դուստր իւր կնութեան։ 18Եւ եղեւ յերթալն նորա խորհեցաւ ընդ նա եւ ասէ. Խնդրեցից ի հօրէ իմմէ ագարակ. եւ աղաղակեաց՝՝ յիշոյ անտի։ Եւ ասէ ցնա Քաղէբ. Զի՞ է քեզ։ 19Եւ ասէ ցնա. Տուր ինձ օրհնութիւն. զի յերկիր Նագեբ ետուր զիս, տուր ինձ Գովլաթմայիմ։ Եւ ետ նմա Քաղէբ զԳովլաթն վերին եւ զԳովլաթն ներքին։

20Այս է ժառանգութիւն ցեղի որդւոցն Յուդայ՝ ըստ տոհմից իւրեանց։

21Եւ եղեն նոցա քաղաքք. քաղաք առաջին ցեղի որդւոցն Յուդայ ի սահմանս Եդոմայ յանապատին,՝՝ Կասբեէղ եւ Եդրային եւ Յագուր 22եւ Կինա եւ Դեմոնա եւ Ադադա 23եւ Կադէս եւ Իթնանզիփ 24եւ Տէղէմ եւ Բաաղովթ ( 25) եւ քաղաքն Ասեբոն, այն է Ասովր՝՝, 26Ամամ եւ Սամա եւ Մովլադա 27եւ Ասէրգադդա եւ Բեթփաղէթ 28եւ Ասարսուղա եւ Բերսաբէէ, եւ աւանք նոցա եւ ագարակք նոցա.՝՝ 29Բաաղա եւ Աւիմ եւ Ասեմ ( 30) եւ Եղթովլադ եւ Քուղ եւ Երմա 31եւ Սիկելէկ եւ Մադեբենա եւ Սանսաննա 32եւ Ղամովթ եւ Սէղէմի եւ Ռեմոն. քաղաքք քսանեւինն եւ աւանք նոցա։

33Ի դաշտավայրս՝ Եսթաւուղ եւ Սարաա եւ Ասնա, եւ Ռամոն՝՝ 34եւ Զանով եւ Ադիաթեմ եւ Ենայիմ 35եւ Յերիմութ եւ Ոդողամ եւ Ներմա եւ՝՝ Սոքով եւ Ազեկա 36եւ Սագարիմ եւ Գադերայ, եւ ագարակք նոցա. քաղաքք չորեքտասանք եւ աւանք նոցա։ 37Սենան եւ Ադասա եւ Մակդաղգադ 38եւ Դաղաան, եւ Մասփա եւ Յեքթայեղ 39եւ Ղաքիս եւ Բազկաթ եւ Ագղոմ 40եւ Քաբբայ եւ Լամաս եւ Քասղոմ 41եւ Գադերովթ եւ Բեթղադոն եւ Նովմա եւ Մակեդդա. քաղաքք վեշտասան եւ աւանք նոցա։ 42Ղեբնա եւ Աթեր ( 43) եւ Յեփթա եւ Ասեննա եւ Նեսիբ 44եւ Կէիլա եւ Աքեզիբ եւ Մարեսա եւ Ելէմովմ՝՝. քաղաքք ինն եւ աւանք նոցա։ 45Ակկարոն եւ աւանք նորա եւ ագարակք նորա. 46եւ յԱկկարոնէ յԷմէն, ամենայն արուարձանք Ասերովդայ, եւ աւանք նոցա եւ ագարակք նոցա։ 47Գազա եւ աւանք նորա եւ ագարակք նորա՝ մինչեւ ցհեղեղատն Եգիպտոսի, եւ ծովն մեծ զատուցանէ։

48Եւ ի լեռնավայրսն՝ Սամիր եւ Յեթեր եւ Սովքով 49եւ Դեննա եւ լեառնն Ահերմոն,՝՝ եւ քաղաքն Նամակաց՝ այն է Դաբիր, 50եւ Անովբ եւ Եսթեմով եւ Անիմ 51եւ Գոսոմ եւ Քիղուոն եւ Գեղոն. քաղաքք մետասան եւ աւանք նոցա։ 52Երեբ եւ Եսան եւ Երումա՝՝ 53եւ Յանում եւ Բեթթափուէ եւ Ափակա 54եւ Քամմատա եւ քաղաքն Արբոկ՝ այն է Քեբրոն, եւ Սիովր. քաղաքք ինն եւ աւանք նոցա։ 55Մաւոն եւ Քերմէլ եւ Զիփ եւ Յետտա 56եւ Յեզրայէլ եւ Յեկտա եւ Զանովա, 57Եկիմ եւ Գաբաա եւ Թամնա. քաղաքք ինն եւ աւանք նոցա։ 58Ալուլ եւ Բեթսուր եւ Գեդովր 59եւ Մարովթ եւ Բեթանովթ եւ Եղթեկեն. քաղաքք վեց եւ աւանք նոցա։ Թեկով եւ Եփրաթա՝ այն է Բեթղահէմ, եւ Բագովր եւ Ետամ եւ Կուղովն եւ Տատամի եւ Սովրէս եւ Կարեմ եւ Գաղղիմ եւ Բեթեր եւ Մանոքով. քաղաքք մետասան եւ աւանք նոցա՝՝։ 60Կարիաթբաաղ, նա է քաղաք Յարիմայ եւ Ռաբա. քաղաքք երկու եւ աւանք նոցա եւ ագարակք իւրեանց։

61Բէթբարդիս, եւ՝՝ Բէթարաբա եւ Մադովն եւ Սովքովա 62եւ Նեբսան, եւ քաղաքք աղտիցն, եւ Ենգադի. քաղաքք եւթն եւ աւանք նոցա։

63Եւ Յեբուսացին բնակեալ էր յԵրուսաղէմ, եւ ոչ կարացին որդիքն Յուդայ մարտնչել ընդ նոսա՝՝. եւ բնակեցան Յեբուսացիքն ընդ որդիսն Յուդայ յԵրուսաղէմ մինչեւ ցայսօր։