1Եւ եղեւ յորժամ կատարեցաւ պարիսպն, եւ կանգնեցի զդրունս նորա, եւ կացին դռնապանք եւ երգեցիկք սաղմոսասացք եւ Ղեւտացիք, 2եւ պատուիրեցի եղբարցն իմոց՝՝ եւ Անանեայ որ էր իշխան ի վերայ Երուսաղեմի. վասն զի նա էր ճշմարիտ այր եւ երկիւղած յԱստուծոյ քան զբազումս, 3եւ ասեմ ցնոսա. Մի՛ բանայցէք վաղվաղակի զդրունսն մինչեւ ի ծագել՝՝ արեւուն, եւ մինչդեռ ամենեքեան արթունք իցեն՝ կալցեն զդրունսն, եւ փակ արկեալ պնդեսցեն զնոսա. եւ կացցեն պահապանք դրանց եւ բնակչաց Երուսաղեմի, այր ի պահու իւրում, եւ այր իւրաքանչիւր ի տան իւրում՝՝։

4Վասն զի քաղաքս մեծ եւ ընդարձակ է եւ ժողովուրդս սակաւ ի սմա, եւ ոչ եւս են դեռ ամենայն ապարանք շինեալ։ 5Եւ արկ Աստուած ի սիրտ իմ, եւ ժողովեցի զպատուականսն եւ զիշխանսն եւ զժողովուրդն ի ժողով մի. եւ գտի զգիրսն ազգահամարին որ էին ելեալ յառաջնում ի գերութենէն. եւ էր գրեալ ի նմա այսպէս. 6Այս են անուանք որդւոցն Իսրայելի՝՝ որք ելին ի գերութենէն՝ զորս պանդխտեցոյց Նաբուքոդոնոսոր թագաւոր Բաբելացւոց, եւ դարձան յԵրուսաղէմ եւ ի Հրէաստան, այր իւրաքանչիւր ի քաղաք իւր. 7որք եկին ընդ Զորաբաբելի եւ ընդ Յեսուայ եւ ընդ Նէեմայ Ազարեանց՝՝. Ռայեղմիայ, Նայեմանի, Մարտեքու, Բեղման, Մատատփարաթ, Եզրա, Բագուիէ, Նաւում, Բարանա, Մոփրա՝՝։ Արք ժողովրդեանն Իսրայելի. 8որդիք Փարոսայ՝ երկու հազար հարեւր եւթանասուն եւ երկու, 9որդիք Սափատեայ՝ երեք հարեւր եւթանասուն եւ երկու, 10որդիք Արեսայ՝ վեց հարեւր յիսուն եւ վեց, 11որդիք Փաաթմովաբ յորդւոցն Յեսուայ եւ Յովաբայ՝ երկու հազար երկերիւր ութեւտասն, 12որդիք Եղամ՝ հազար երկու հարեւր յիսուն եւ չորս, 13որդիք Զաթուայ՝ ութ հարեւր քառասուն եւ հինգ, 14որդիք Զաքու՝ եւթն հարեւր վաթսուն, 15որդիք Բանուայ՝ վեց հարեւր քառասուն եւ ութ, 16որդիք Բիբէի՝ վեց հարեւր քառասուն եւ ութ, 17որդիք Ազիայ՝ երկու հազար երեք հարեւր քսան եւ երկու, 18որդիք Ադոնիկամայ՝ վեց հարեւր յիսուն եւ եւթն, 19որդիք Բագուէի՝ երկու հազար վաթսուն եւ եւթն, 20որդիք Ադինայ՝ վեց հարեւր յիսուն եւ չորս, 21որդիք Ատտերեզեկեայ՝ իննսուն եւ ութ, 23որդիք Բէասի՝ երեք հարեւր քսան եւ չորս, 24որդիք Արիբ՝ հարեւր երկոտասան, 25որդիք Գաբաւոն՝ իննսուն եւ հինգ, 26որդիք Բեթղեհէմ՝ հարեւր քսան եւ երեք, որդիք Նետոփայ՝ յիսուն եւ վեց՝՝, 27որդիք Անաթովթ՝ հարեւր քսան եւ ութ, 28որդիք Բեթազմայ՝ քառասուն եւ երկու, 29որդիք Կարիաթարիմ Քաբիրայ եւ Բերովթ՝ ութ հարեւր քառասուն եւ երեք, 30որդիք Ռամայ եւ Գաբայ՝ վեց հարեւր քսան եւ մի, 31որդիք Մաքեմաս՝ հարեւր քսան եւ երկու, 32որդիք Բեթէլ եւ Այի՝ հարեւր քսան եւ երեք, 33որդիք Նաբիայ՝ հարեւր յիսուն եւ երկու, որդիք Մակեբոս՝ հարեւր յիսուն եւ վեց, 34որդիք Եղամայ՝ հազար՝՝ յիսուն եւ չորս, 35որդիք Երամ՝ երեք հարեւր քսան, 36որդիք Երիքով՝ երեք հարեւր քառասուն եւ հինգ, 37որդիք Լոդադիդ եւ Անովն՝ եւթն հարեւր քսան եւ երեք, 38որդիք Անանայ՝ երեք հազար հարեւր երեսուն։

39Քահանայք՝ որդիք Յեդայեայ տանն Յեսուայ՝ ինն հարեւր եւթանասուն եւ երեք, 40որդիք Եմեր՝ հազար յիսուն եւ երկու, 41որդիք Փասէուր՝ հազար երկերիւր քառասուն եւ եւթն, 42որդիք Երամ՝ հազար եւթն եւ տասն։

43Եւ Ղեւտացիք, որդիք Յեսուայ Կադմիէլ, յորդւոցն 44Ուդայիդ՝ եւթանասուն եւ չորք։

45Եւ երգեցիկք սաղմոսասացք, որդիք Ասափայ՝ հարեւր քառասուն եւ ութ։

46Եւ դռնապանք՝ որդիք Սեղումայ, որդիք Ատտեր, որդիք Տեմիովն, որդիք Ակուբ, որդիք Ատիտայ, որդիք Սաբէի, հարեւր երեսուն եւ ութ։

47Եւ Նաթանիմացիք, որդիք Սիղայ, որդիք Ասիփայ, որդիք Տաբովթ, որդիք Սարիաս, որդիք Սիայ, որդիք Փասովն, 48որդիք Լաբանու, որդիք Ադաբայ, որդիք Ակուդ, որդիք Ուտայ, որդիք Կետար, որդիք Ագաբ՝՝, որդիք Սեղեմի, 49որդիք Անան, որդիք Գադէլ, որդիք Գայար, 50որդիք Հռեայ, որդիք Հռասոն, որդիք Նեկոդայ, 51որդիք Գէեզամ, որդիք Ոզի, որդիք Փեսէ, 52որդիք Բեսէի, որդիք Մէինոս, որդիք Նեփովայիս, 53որդիք Բաբովկ, որդիք Աքիբայ, որդիք Արուր, 54որդիք Բասաղովթ, որդիք Մեիդայ, որդիք Արասան, 55որդիք Բարկոսէ, որդիք Սիսարայ, որդիք Թեմայ, 56որդիք Նեսիայ, որդիք Սարիփայ։ 57Որդիք ծառայիցն Սողոմոնի, որդիք Սուտի, որդիք Սոփերաթ որդիք Փարեդայ, 58որդիք Յէաղէ, որդիք Դորկովն, որդիք Գադէլ, 59որդիք Սափատեայ, որդիք Ետէմ, որդիք Փաքարաթ Սաբայիմ, որդիք Հեմիմ։ 60Ամենայն Նաթանայիմք եւ որդիք ծառայիցն Սողոմոնի՝ երեք հարեւր իննսուն եւ երկու։

61Եւ այսք էին որք ելին ի Թեմեղիքայ, Թեղարսա, Քերուբ, Եդոն, Եմեր. եւ ոչ կարացին պատմել զտուն հարց իւրեանց, եւ ոչ զազգն իւրեանց որ յԻսրայելէ իցեն։ 62Որդիք Դաղաայ, որդիք Բուայ,՝՝ որդիք Տուբիայ, որդիք Նեկովդայ՝ վեց հարեւր քառասուն եւ երկու։ 63Եւ ի քահանայիցն, որդիք Եբերայ, որդիք Ակովս, որդիք Բերզելեայ. վասն զի ա՛ռ կին ի դստերաց Բերզելեայ Գաղաադացւոյ, եւ կոչեցաւ ըստ անուան նորա։ 64Սոքա խնդրեցին գրել զազգահամար՝՝ իւրեանց, եւ ոչ գտաւ. եւ մերժեցան ի քահանայիցն։ 65Եւ ասաց Աթարսաթա ցնոսա. Մի՛ կերիցեն ի սրբութեանցն սրբութեանց, մինչեւ յարիցէ քահանայ եւ լուսաւորեալ յայտնեսցէ զնոսա՝՝։

66Եւ եղեւ ամենայն ժողով եկեղեցւոյն չորք բեւրք եւ երկու հազար երեք հարեւր վաթսուն. 67թող զծառայս եւ զաղախնայս իւրեանց՝ որք էին եւթն հազար երեք հարեւր երեսուն եւ եւթն, եւ որք էին երգեցիկք սաղմոսասացք արք եւ կանայք՝ երկերիւր քառասուն եւ հինգ։ 68Ձիք՝ եւթն հարեւր երեսուն եւ վեց, ջորիք՝ երկերիւր քառասուն եւ հինգ, 69ուղտք՝ չորեք հարեւր երեսուն եւ հինգ, էշք՝ վեց հազար քսան եւ եւթն՝՝։

70Եւ իշխանք ըստ հայրապետացն իւրեանց ետուն ի գործն. եւ Աթարսաթա ետ ի գանձն՝ ոսկի, սկաւառակս յիսուն, եւ պատմուճանս քահանայիցն երեսուն։ 71Եւ իշխանք հայրապետացն ետուն ի գանձս գործոյն ոսկի երկու բեւրս, եւ արծաթ բեւր մնասս երկու հազար երկերիւր։ 72Եւ այլ ժողովուրդն ետ դահեկանս երկուս բեւրս, եւ կահ՝՝ արծաթի՝ երկու հազար. եւ պատմուճանս քահանայիցն՝ վաթսուն եւ եւթն։ 73Եւ նստան քահանայքն եւ Ղեւտացիքն եւ դռնապանքն եւ երգեցիկք սաղմոսասացքն, եւ ի ժողովրդենէն, եւ Նաթանիմացիքն, եւ ամենայն Իսրայէլ ի քաղաքս իւրեանց։ Եւ ժամանեաց եհաս ամիսն եւթներորդ, եւ էին որդիքն Իսրայելի ի քաղաքս իւրեանց։