ՍԱՂՄՈՍ ՃԺԹ (ՃԻ)

Օրհնութիւնք աստիճանաց։

1Ինեղութեան իմում ես առ Տէր կարդացի, եւ լուաւ ինձ։ 2Տէր, փրկեա զանձն իմ ի շրթանց նենգաւորաց եւ ի լեզուէ չարէ։ 3Զի՞ տացի քեզ կամ զի՞նչ յաւելցի, լեզու նենգաւոր։ 4Որպէս նետք հզօրի, զի մխեալ կայծակամբք կաղնւոյ։ 5Վայ է ինձ՝ զի ընդ երկար՝՝ եղեւ պանդխտութիւն իմ, բնակեցի ես ի վրանս Կեդարու։ 6Բազում անգամ բնակեաց անձն իմ ընդ այնոսիկ ոյք ատէին զողջոյն։ 7Ես էի խաղաղարար. յորժամ խօսէի՝ մարտնչէին ընդ իս։