ՍԱՂՄՈՍ ՃԻԱ (ՃԻԲ)

Օրհնութիւնք աստիճանաց։

1Ուրախ եղէ ես ոյք ասէին ցիս. Ի տուն Տեառն երթիցուք մեք։ 2Հասեալ կային ոտք մեր առ դրունս քո, Երուսաղէմ։ 3ԶԵրուսաղէմ շինեալ քաղաք, եւ բնակութիւն իւր շուրջ զնովաւ։՝՝ 4Անդ ելին ազգք, ազգք Տեառն, վկայութիւնք Իսրայելի, խոստովան լինել անուան Տեառն։ 5Անդ արկեալ են աթոռք դատաստանի, աթոռս արկեալ ի տան Դաւթի։ 6Հարցէք զողջունէ զԵրուսաղեմի, եւ զշինութենէ՝ ոյք սիրէք զնա։՝՝ 7Եղիցի խաղաղութիւն ի զօրութեան քում, եւ շինութիւն յաշտարակս յամուրս՝՝ քո։ 8Վասն եղբարց եւ ընկերաց իմոց խօսեցայ զխաղաղութիւն վասն քո. 9եւ վասն տան Տեառն Աստուծոյ մերոյ խնդրեցաք զբարութիւն քեզ։