ՍԱՂՄՈՍ ՃԻԴ (ՃԻԵ)

Օրհնութիւնք աստիճանաց։

1Որ յուսայ ի Տէր որպէս լեառն Սիոն, մի՛ սասանեսցի յաւիտեան՝ որ բնակեալն է յԵրուսաղէմ։ 2Լերինք՝՝ շուրջ են զնովաւ, Տէր շուրջ է զժողովրդեամբ իւրով յայսմ հետէ մինչեւ յաւիտեան։ 3Ոչ թողու Տէր զգաւազան մեղաւորաց ի վիճակս արդարոց, եւ արդարք մի՛ ձգեսցեն զձեռս իւրեանց յանօրէնութիւն։ 4Բարի առնէ Տէր բարեաց, եւ այնոցիկ ոյք ուղիղ են սրտիւք։ 5Իսկ զթիւրեալսն ի յափշտակութիւն, տանի զնոսա Տէր ընդ այնոսիկ ոյք գործեն զանօրէնութիւն։ Խաղաղութիւն ի վերայ Իսրայելի։