ՍԱՂՄՈՍ ՃԻԵ (ՃԻԶ)

Օրհնութիւնք աստիճանաց։

1Իդարձուցանել Տեառն զգերութիւն Սիոնի, եղաք մեք մխիթարեալք՝՝։ 2Յայնժամ լցան բերանք մեր խնդութեամբ, եւ լեզուք մեր ցնծութեամբ. յայնժամ ասասցեն ի հեթանոսս. Մեծ արար Տէր առնել ընդ նոսա։ 3Մեծ արար Տէր զառնել իւր ընդ մեզ, եւ մեք եղաք բերկրեալք։ 4Դարձո, Տէր, զգերութիւնս մեր որպէս զուղխս ի հարաւոյ։ 5Որք վարէին արտասուօք՝ ցնծութեամբ հնձեսցեն։ 6Երթալով երթային եւ լային ոյք բարձեալ տանէին զսերմանիս իւրեանց, գալով եկեսցեն եւ ցնծասցեն, ոյք առեալ բերիցեն զորայս իւրեանց։