2Քեզ վայելէ օրհնութիւն, Աստուած, ի Սիոն, եւ քեզ տացին աղօթք յԵրուսաղէմ։ 3Լուր աղօթից իմոց, զի առ քեզ ամենայն մարմին եկեսցէ։ 4Բանք անօրինաց զօրացան ի վերայ մեր, զամպարշտութիւնս մեր դու քաւեսցես։

5Երանի՛ զոր ընտրեցեր եւ ընկալար, եւ բնակեսցէ ի գաւիթս քո. լցցուք մեք ի բարութենէ տան քո, սուրբ է տաճար քո։

6Սքանչելի արդարութեամբ, լուր մեզ, Աստուած փրկիչ մեր, յոյս ամենայն ծագաց երկրի եւ որ ի ծով հեռի։ 7Ո պատրաստէ զլերինս զօրութեամբ իւրով, եւ զգեցեալ է զօրութիւն։ 8Ո խռովեցուցանէ զմեծութիւն ծովու, եւ զձայն ալեաց նորա ցածուցանէ. խռովեսցին հեթանոսք։՝՝ 9Եւ երկիցեն բնակիչք երկրի ի նշանաց քոց. յելս առաւօտու եւ ընդ երեկոյս զուարճասցին։՝՝

10Հայեցար յերկիր՝ արբեցուցեր զնա, եւ բազում արարեր զմեծութիւն նորա. գետն Աստուծոյ լի եղեւ ջուրբ. պատրաստ արարեր զկերակուր նորա, զի այսպէս է պատրաստութիւն։ 11Զակօս նորա արբուցեր, եւ բազում արարեր զարմտիս նորա՝՝. ի ցօղել նորա՝ զուարթ եղիցի բոյս նորա. 12օրհնեսցի պսակ տարւոյ քաղցրութան քո. դաշտք քո լցցին պարարտութեամբ. 13պարարտասցին գեղեցկութիւնք անապատի՝՝. բլուրք ցնծութիւն զգեցցին. 14զգեցցին խոյք մաքեաց՝՝. հովիտք բազում արասցեն ցորեան. աղաղակեսցեն եւ օրհնեսցեն։