2Տէր, Տէր մեր, զի՜ սքանչելի է անուն քո յամենայն երկրի, համբարձաւ մեծվայելչութիւն քո ի վերոյ քան զերկինս։ 3Ի բերանոյ մանկանց տղայոց եւ ստնդիեցաց հաստատեցեր զօրհնութիւն. վասն թշնամեաց քոց, Տէր, զի եղծցի թշնամին եւ հակառակորդն։

4Տեսից՝՝ զերկինս, զգործս մատանց քոց, զլուսին եւ զաստեղս զորս դու հասատեցեր. 5ո՞վ է մարդ՝ զի յիշես դու զնա, կամ որդի մարդոյ, թէ այց ինչ արասցես դու նմա։ 6Փոքր ինչ խոնարհ արարեր զնա քան զհրեշտակս քո, փառօք եւ պատուով պսակեցեր զնա. 7եւ կացուցեր զնա ի վերայ ամենայն ձեռակերտաց քոց. զամենայն ինչ հնազանդ արարեր ի ներքոյ ոտից նորա, 8զխաշն եւ զարջառ եւ զամենայն ինչ, եւս եւ զերէ վայրի, 9զթռչունս երկնից, զձկունս ծովու՝ որ շրջին ընդ շաւիղս ծովու։ 10Տէր, Տէր մեր, զի՜ սքանչելի է անուն քո յամենայն երկրի։