Քահանաներուն որոշուած գործը

1Եւ Ահարոնի որդիներուն դասակարգութիւնները ասոնք են. Ահարոնի որդիները, Նադաբ, Աբիուդ, Եղիազար ու Իթամար էին: 2Եւ Նադաբ ու Աբիուդ իրենց հօրը առջև մեռան, ու անոնք որդիներ չունէին. ու Եղիազար ու Իթամար քահանայ եղան: 3Եւ Դաւիթ ու Եղիազարի որդիներէն Սադովկ ու Իթամարի որդիներէն Աքիմելէք զանոնք բաժանեցին անոնց համրանքովը անոնց պաշտօնին համար: 4Ու Եղիազարի որդիներուն մէջ գտնուած իշխանները Իթամարի որդիներուն մէջ գտնուածներէն շատ էին. ու զանոնք այսպէս բաժնեցին. Եղիազարի որդիներուն համար տասնըվեց իշխան` իրենց ազգատոհմներուն համեմատ, ու Իթամարի որդիներուն համար ութ իշխան` իրենց ազգատոհմներուն համեմատ: 5Եւ ասոնք ու անոնք վիճակով բաժնուեցան, քանզի սրբարանին իշխանները ու Աստուծոյ տանը իշխանները Եղիազարի որդիներէն ու Իթամարի որդիներէն էին: 6Ու Ղեւտացիներէն, Նաթանայէլի որդին Սեմայիա դպիրը, թագաւորին ու իշխաններուն և Սադովկ քահանային ու Աբիաթարի որդւոյն Աքիմելէքի և քահանաներուն ու Ղևտացւոց նահապետներուն առջև մէկ ազգատոհմ Եղիազարէ առնելով ու ազգատոհմ մը Իթամարէ առնելով` զանոնք գրեց: 7Եւ առաջին վիճակը Յովարիբի ելաւ, երկրորդը Յեդայիայի, 8Երրորդը Հարիմի, չորրորդը Սէուրինի, 9Հինգերորդը Մեղքիայի, վեցերորդը Միամինի, 10Եօթներորդը Ակկուսի, ութերորդը Աբիայի, 11Իններորդը Յեսուի, տասներորդը Սեքենիայի, 12Մետասաներորդը Եղիասիբի, երկոտասաներորդը Յակիմի, 13Երեքտասաներորդը Ոփփայի, չորեքտասաներորդը Յեսբէաբի, 14Հնգետասաներորդը Բեղգայի, վեցտասաներորդը Եմմերի, 15Եօթնուտասներորդը Եզիրի, ութուտասներորդը Ափեսեսի, 16Իննուտասներորդը Փեթայիայի, քսաներորդը Եզեկիէլի, 17Քսանըմէկերորդը Յաքինի, քսանուերկուերորդը Գամուլի, 18Քսանուիրեքերորդը Դաղայիայի, քսանըչորսերորդը Մաաղիայի: 19Այս է անոնց կարգադրութիւնը իրենց պաշտամունքին համար ու Տէրոջը տունը մտնելու համար` իրենց հօրը Ահարոնի ձեռքով իրենց տրուած օրէնքին համեմատ, ինչպէս Իսրայէլի Տէր Աստուածը անոր պատուիրեր էր:

Ղեւտացիներուն ցանկը

20Ու Ղեւիի որդիներուն մնացորդները ասոնք էին. Ամրամի որդիներէն Սուբայէլ. Սուբայէլի որդիներէն` Յադայիա. 21Հռաբիայի, այսինքն Հռաբիայի որդիներէն, առաջինը Յեսիա. 22Իսահառի որդիներէն Սաղօմօթ. Սաղօմօթի որդիներէն Յեթ. 23Ու Քեբրոնի որդիներէն առաջինը Յերիա, երկրորդը Ամարիա, երրորդը Յազիէլ, չորրորդը Յեկամամ. 24Ոզիէլի որդիներէն, Միքա. Միքայի որդիներէն, Սամիր. 25Միքիայի եղբայրը Յեսիա. Յեսիայի որդիներէն Զաքարիա: 26Մերարիի որդիները Մոողի ու Մուսի էին. Յազիայի որդին Բենով. 27Մերարիի որդիները Յազիայէ Բենով, Սօհամ, Զաքուր ու Եբրի էին: 28Մոողիէ Եղիազար ծնաւ, ու անիկա որդիներ չունէր: 29Կիսէ, այսինքն Կիսի որդիներէն, Յերամէլ էր: 30Մուսիի որդիները Մոողի, Եդեր ու Յերմովթ էին: Ղևտացւոց որդիները իրենց տոհմերուն համեմատ ասոնք էին: 31Եւ ասոնց համար ալ, իրենց եղբայրներուն Ահարոնի որդիներուն պէս, Դաւիթ թագաւորին ու Սադովկի ու Աքիմելէքի և քահանաներուն ու Ղևտացւոց տոհմապետներուն առջև վիճակ ձգեցին, թէ՛ տոհմապետներուն և թէ՛ անոնց պզտիկ եղբայրներուն համար: