Քահանաներուն ազգահամարը

1Ղևիի որդիները Գերսոն, Կահաթ ու Մերարի էին: 2Եւ Կահաթի որդիները Ամրամ, Իսահառ, Քեբրոն ու Ոզիէլ էին: 3Եւ Ամրամի որդիները Ահարոն, Մովսէս ու Մարիամ էին: Ու Ահարոնի որդիները Նադաբ, Աբիուդ, Եղիազար ու Իթամար էին: 4Եղիազար ծնաւ Փենէհէսը, ու Փենէհէս ծնաւ Աբիսուան, 5Եւ Աբիսուա ծնաւ Բոկկին, ու Բոկկի ծնաւ Ոզին, 6Եւ Ոզի ծնաւ Զարիան, ու Զարիա ծնաւ Մարիօթը, 7Ու Մարիօթ ծնաւ Ամարիան, և Ամարիա ծնաւ Աքիտովբը, 8Ու Աքիտովբ ծնաւ Սադովկը, ու Սադովկ ծնաւ Աքիմաասը, 9Եւ Աքիմաաս ծնաւ Ազարիան, ու Ազարիա ծնաւ Յօհանանը, 10Եւ Յօհանան ծնաւ Ազարիան. (ասիկա էր որ Սողոմոնի Երուսաղէմ շինած տաճարին մէջ քահանայութիւն ըրաւ.) 11Ու Ազարիա ծնաւ Ամարիան, և Ամարիա ծնաւ Աքիտովբը, 12Ու Աքիտովբ ծնաւ Սադովկը, ու Սադովկ ծնաւ Սեղղումը, 13Եւ Սեղղում ծնաւ Քեղկիան, ու Քեղկիա ծնաւ Ազարիան, 14Եւ Ազարիա ծնաւ Սարայիան, ու Սարայիա ծնաւ Յովսեդեկը: 15Եւ Յովսեդեկ գերի գնաց, երբ Տէրը Յուդան ու Երուսաղէմը Նաբուգոդոնոսորի ձեռքով փոխադրեց: 16Ղևիի որդիները Գերսոն, Կահաթ ու Մերարի էին: 17Ու Գերսոնի որդիներուն անունները ասոնք էին. Ղոբենի ու Սեմէի: 18Եւ Կահաթի որդիները Ամրամ, Իսահառ, Քեբրոն ու Ոզիէլ էին: 19Մերարիի որդիները Մոողի ու Մուսի էին. և ասոնք են Ղեւտացւոց տոհմերը իրենց հայրերուն համեմատ: 20Գերսոնի որդիները. անոր որդին Ղոբենի, անոր որդին Յեթ, անոր որդին Զամմա, 21Անոր որդին Յովաք, անոր որդին Ադդով, անոր որդին Զարա, անոր որդին Յաթրի էր: 22Կահաթի որդիները. անոր որդին Ամինադաբ, անոր որդին Կորխ, անոր որդին Ասիր, 23Անոր որդին Եղկանա, անոր որդին Աբիասափ, անոր որդին Ասիր, 24Անոր որդին Թաաթ, անոր որդին Ուրիէլ, անոր որդին Ոզիա ու անոր որդին Սաւուղ էր: 25Ու Եղկանայի որդիները Ամեսայի, Աքիմօթ 26Ու Եղկանա էին. Եղկանայի որդիները. անոր որդին Սուփի, ու անոր որդին Նահաթ, 27Անոր որդին Եղիաբ, անոր որդին Յերոամ, անոր որդին Եղկանա էր: 28Ու Սամուէլի որդիները. անոր անդրանիկը Յովէլ, ու երկրորդը Արիա էր: 29Մերարիի որդիները Մոողի, անոր որդին Ղոբենի, անոր որդին Սեմէի, անոր որդին Ոզա, 30Անոր որդին Սամաա, անոր որդին Անգիա, անոր որդին Ասայիա էր:

Տաճարին երաժիշտները

31Եւ ասոնք են զորոնք Դաւիթ երգեցողութեան պաշտօնին վրայ դրաւ Տէրոջը տանը մէջ տապանակին հանգստանալէն ետքը. 32Ու անոնց պաշտօնը ժողովքի խորանին առջև օրհնութիւն երգել էր, մինչև որ Սողոմոն Երուսաղէմի մէջ Տէրոջը տունը շինեց. ու իրենց կարգին համեմատ իրենց պաշտօնին վրայ կը կենային: 33Եւ իրենց որդիներով կեցողները ասոնք են. Կահաթեանց որդիներէն երգեցող Եմանը, Յովէլի որդին, որ Սամուէլի որդին, 34Որ Եղկանայի որդին, որ Յերոամի որդին, ու Եզիէլի որդին, որ Թովայի որդին, 35Որ Սուփիի որդին, որ Եղկանայի որդին, որ Մաաթի որդին, որ Ամեսայիի որդին, 36Որ Եղկանայի որդին, որ Յովէլի որդին, որ Ազարիայի որդին, որ Սոփոնիայի որդին, 37Որ Թաաթի որդին, որ Ասիրի որդին, որ Աբիասափի որդին, որ Կորխի որդին, 38Որ Իսահառի որդին, որ Կահաթի որդին, որ Ղևիի որդին, որ Իսրայէլի որդին էր: 39Եւ անոր աջ կողմը կայնողը իր եղբայրը Ասափ էր, ու Ասափ` Բարաքիայի որդին, որ Սամաայի որդին, 40Որ Միքայէլի որդին, որ Բաասիայի որդին, որ Մեղքիայի որդին, 41Որ Աթանիի որդին, որ Զարայի որդին, որ Ադայիայի որդին, 42Որ Եթանի որդին, որ Զամմայի որդին, որ Սեմէիի որդին, 43Որ Յեթի որդին, որ Գերսոնի որդին, որ Ղևիի որդին էր: 44Ու անոնց եղբայրները, Մերարիի որդիները, ձախ կողմը կը կայնէին. Եթան` Կիսեայի որդին, որ Աբդիի որդին, որ Մալուքի որդին, 45Որ Ասաբիայի որդին, որ Ամասիայի որդին, որ Քեղկիայի որդին, 46Որ Ամասիի որդին, որ Բանիի որդին, որ Սամերի որդին, 47Որ Մոողիի որդին, որ Մուսիի որդին, որ Մերարիի որդին, որ Ղևիի որդին էր: 48Ու անոնց եղբայրները, Ղեւտացիք, Աստուծոյ տանը խորանին ամէն ծառայութեանը նուիրուած էին:

Ահարոնին սերունդը

49Բայց Ահարոն ու անոր որդիները ողջակէզի սեղանին վրայ ողջակէզ, ու խունկի սեղանին վրայ խունկ կը մատուցանէին, սրբութեանց սրբութիւնին ամէն գործը կատարելով, ու Իսրայէլի համար քաւութիւն ընելով, այն ամէնուն համեմատ զոր Աստուծոյ ծառան Մովսէս պատուիրեր էր: 50Եւ Ահարոնի որդիները ասոնք էին. Անոր որդին Եղիազար, անոր որդին Փենէհէս, անոր որդին Աբիսուա, 51Անոր որդին Բոկկի, անոր որդին Ոզի, անոր որդին Զարիա, 52Անոր որդին Մարիօթ, անոր որդին Ամարիա, անոր որդին Աքիտովբ, 53Անոր որդին Սադովկ, անոր որդին Աքիմաաս:

Ղեւտացիները ո՞ւր կը բնակէին

54Եւ Կահաթի տոհմին, Ահարոնի որդիներուն, բնակութիւնները ասոնք էին իրենց գեղերովը ու իրենց սահմաններովը, քանզի այն վիճակը անոնց եղաւ: 55Եւ Յուդայի երկրին մէջ Քեբրոնը ու անոր շրջակայ արուարձանները անոնց տուին. 56Բայց այն քաղաքին արտերը ու անոր գեղերը Յեփոնեան Քաղէբի տուին: 57Եւ Յուդայի քաղաքներէն Ահարոնի որդիներուն Քեբրոնը տուին (որ ապաստանի քաղաք էր), ու Լեբնան իր արուարձաններովը, և Յաթիրը ու Եսթեմովը իր արուարձաններովը, 58Եւ Քիլէնը իր արուարձաններովը, ու Դաբիրը իր արուարձաններովը, 59Եւ Ասանը իր արուարձաններովը, ու Բեթսամիւսը իր արուարձաններովը, 60Եւ Բենիամինի ցեղէն Գաբան իր արուարձաններովը, ու Գաղեմէթը իր արուարձաններովը, և Անաթովթը իր արուարձաններովը. անոնց տոհմերուն ամէն քաղաքները տասուիրեք քաղաք էին: 61Ու այս ցեղին տոհմերէն մնացած Կահաթի որդիներուն` Մանասէի կէս ցեղէն վիճակով տասը քաղաք տրուեցաւ: 62Ու Գերսոնի որդիներուն` իրենց տոհմերուն համեմատ Իսաքարի ցեղէն, Ասերի ցեղէն ու Նեփթաղիմի ցեղէն ու Բասանի մէջ բնակող Մանասէի ցեղէն տասուիրեք քաղաք տրուեցաւ: 63Մերարիի որդիներուն` իրենց տոհմերուն համեմատ Ռուբէնի ցեղէն ու Գադի ցեղէն և Զաբուղոնի ցեղէն վիճակով տասուերկու քաղաք տրուեցաւ: 64Ու Իսրայէլի որդիները այս քաղաքները իրենց արուարձաններովը Ղեւտացիներուն տուին: 65Եւ Յուդայի որդիներուն ցեղէն ու Շմաւոնի որդիներուն ցեղէն ու Բենիամինի որդիներուն ցեղէն վիճակով` այս անունով յիշուած քաղաքները տուին: 66Եւ Կահաթի որդիներուն մնացած տոհմերուն կալուածքի քաղաքները Եփրեմի ցեղէն էին. 67Ու անոնց Եփրեմի լեռանը վրայ Սիւքէմը տուին, (որ ապաստանի քաղաքներէն էր,) ու անոր արուարձանները, և Գազերը իր արուարձաններովը, 68Ու Յեկմամը իր արուարձաններովը, և Բեթորոնը իր արուարձաններովը, 69Ու Այեղոնը իր արուարձաններովը, և Գեթրեմօնը իր արուարձաններովը, 70Ու Մանասէի կէս ցեղէն Անէրը իր արուարձաններովը, և Յեբղաամը իր արուարձաններովը Կահաթի որդիներուն մնացած տոհմին տուին: 71Գերսոնի որդիներուն Մանասէի կէս ցեղին տոհմէն Բասանի մէջ Գովղանը իր արուարձաններովը, ու Աստարովթը իր արուարձաններովը. 72Եւ Իսաքարի ցեղէն Կադէսը իր արուարձաններովը, Դաբարաթը իր արուարձաններովը, 73Ու Ռամովթը իր արուարձաններովը, և Անամը իր արուարձաններովը, 74Ու Ասերի ցեղէն Մասաղը իր արուարձաններովը, և Աբդօնը իր արուարձաններովը, 75Ու Հուկոկը իր արուարձաններովը, և Րոոբը իր արուարձաններովը, 76Ու Նեփթաղիմի ցեղէն Գալիլեայի մէջ Կադէսը իր արուարձաններովը, և Համմօնը իր արուարձաններովը, ու Կարիաթեմը իր արուարձաններովը տուին: 77Եւ մնացածներուն, այսինքն Մերարիի որդիներուն, Զաբուղոնի ցեղէն Ռեմօնը իր արուարձաններովը, Թաբօրը իր արուարձաններովը. 78Ու Երիքովի Յորդանանու անդիի կողմը, Յորդանանու արևելեան կողմը, Ռուբէնի ցեղէն անապատի մէջ Բոսորը իր արուարձաններովը, ու Յասսան իր արուարձաններովը, 79Եւ Կադէմօթը իր արուարձաններովը, ու Մեփայաթը իր արուարձաններովը. 80Եւ Գադի ցեղէն Գաղաադի մէջ Ռամովթը իր արուարձաններովը, ու Մանայիմը իր արուարձաններովը, 81Ու Եսեբոնը իր արուարձաններովը, և Յազերը իր արուարձաններովը տուին: