Գերութենէ դարձող ժողովուրդը

1Այսպէս բոլոր Իսրայելացիք արձանագրուած էին, և ահա Իսրայէլի ու Յուդայի թագաւորաց գիրքին մէջ գրուած էին. և իրենց անօրէնութեանը համար Բաբելոն գերի տարուեցան. 2Եւ անոնց կալուածքներուն մէջ անոնց քաղաքներուն մէջ առաջ բնակողները` Իսրայելացիներէն, քահանաներէն, Ղեւտացիներէն և Նաթանայիմներէն ասոնք էին: 3Ու Երուսաղէմի մէջ Յուդայի որդիներէն, Բենիամինի որդիներէն, Եփրեմի ու Մանասէի որդիներէն բնակեցան. 4Յուդայի որդւոյն Փարէսի որդիներէն` Բանիի որդւոյն Իմրիի որդւոյն Ամրիի որդւոյն Ամիուդի որդին Ութայի: 5Եւ Սելօմեաններէն` անոր անդրանիկը Ասայիա ու անոր որդիները: 6Եւ Զարայի որդիներէն Յէիէլ ու անոնց եղբայրները` վեց հարիւր իննսուն մարդ: 7Ու Բենիամինի որդիներէն` Ասանուայի որդւոյն Ովդուիայի որդւոյն Մեսուղամի որդին Սալլու: 8Եւ Յերոամի որդին Յեբնիա, ու Մաքրիի որդւոյն Ոզիի որդին Էլա, ու Յեբնիայի որդւոյն Ռագուէլի որդւոյն Սափատիայի որդին Մեսուղամ, 9Եւ անոնց եղբայրները իրենց ցեղերուն համեմատ` ինը հարիւր յիսունըվեց մարդ. այս բոլոր մարդիկը իրենց տոհմերուն նահապետներն էին:

Քահանաները որ Երուսաղէմ կը բնակէին

10Ու քահանաներէն` Յեդայիա, Յովարիբ ու Յաքին, 11Եւ Աստուծոյ տանը վերակացու` Աքիտովբի որդւոյն Մարիօթի որդւոյն Սադովկի որդւոյն Մեսուղամի որդւոյն Քեղկիայի որդին Ազարիա, 12Ու Մեղքիայի որդւոյն Փասուրի որդւոյն Յերոամի որդին Ադայիա, ու Եմմերի որդւոյն Մեսեղամօթի որդւոյն Մեսուղամի որդւոյն Եզիրայի որդւոյն Ադիէլի որդին Մասէ, 13Եւ անոնց եղբայրները, իրենց տոհմերուն իշխանները, հազար եօթը հարիւր վաթսուն զօրաւոր կտրիճներ, Աստուծոյ տանը գործին ծառայութեանը մէջ էին:

Ղեւտացիները որ Երուսաղէմ կը բնակէին

14Ու Ղեւտացիներէն, Մերարիի որդիներէն, Ասաբիայի որդւոյն Եղրիկամի որդւոյն Ասուրի որդին Սեմայիա, 15Եւ Բակբակար ու Արէս և Գաղաղ, ու Ասափի որդւոյն Զեքրիի որդւոյն Միքայի որդին Մաթանիա, 16Եւ Իդիթունի որդւոյն Գաղաղի որդւոյն Սեմայիայի որդին Աբդիա, ու Եղկանայի որդւոյն Ասայի որդին Բարաքիա, որ Նետոփաթացւոց գեղերուն մէջ կը բնակէր:

Տաճարին պահապանները որ Երուսաղէմ կը բնակէին

17Ու դռնապանները, Սեղղում, Ակկուր, Տեղմոն և Աքիման ու անոնց եղբայրները. ասոնց վերակացուն Սեղղում էր: 18Մինչև հոս թագաւորին դուռը կը կայնէին, որ արևելեան կողմն է. ասոնք Ղեւիի որդիներուն բանակներուն դռնապաններն էին: 19Եւ Կորխի որդւոյն Աբիասափի որդւոյն Կովբէի որդին Սեղղում, ու անոր եղբայրները, անոր հօրը տունէն եղող Կորխացիները, ծառայութեան գործին վրայ էին, ու խորանին սեմերուն պահպանութիւնը կ’ընէին. և անոնց հայրերը Տէրոջը բանակին մէջ դրան պահպանութիւնը կ’ընէին: 20Ու Եղիազարի որդին Փենէհէս առաջ անոնց վրայ իշխան էր, ու Տէրը անոր հետ էր: 21Մասեղամիայի որդին Զաքարիա ժողովքի խորանին դրանը պահապանն էր: 22Դռներուն մէջ պահպանութիւն ընելու համար բոլոր դռնապան ընտրուածները երկու հարիւր տասուերկու հոգի էին. ասոնք իրենց գեղերուն մէջ ազգահամարի մէջ գրուեցան. Դաւիթ ու Սամուէլ տեսանողը զանոնք իրենց պաշտօնին վրայ դրին: 23Եւ անոնք ու անոնց որդիները Տէրոջը տանը, այսինքն խորանի տանը, դռներուն քով փոխանակաւ պահպանութիւն կ’ընէին: 24Դռնապանները չորս կողմերը կը կայնէին, արևելեան, արևմտեան, հիւսիսային ու հարաւային կողմերը: 25Եւ գեղերու մէջ եղող անոնց եղբայրները ատեն ատեն կու գային, ու եօթնական օր անոնց հետ կը կենային: 26Քանզի այն Ղեւտացիները, այն չորս գլխաւոր դռնապանները, միշտ իրենց պաշտօնին մէջ` սենեակներուն վրայ ու Աստուծոյ տանը գանձերուն վրայ էին. 27Ու գիշերը Աստուծոյ տանը բոլորտիքը կը կենային, քանզի պահպանութիւնը անոնց վրայ էր. և ամէն առտու զանիկա անոնք պիտի բանային: 28Ու պաշտօնի անօթներուն վերակացուները անոնցմէ էին, քանզի զանոնք համրանքով ներս կը բերէին, ու համրանքով դուրս կը հանէին: 29Եւ ուրիշ ամաններուն ու սրբարանին բոլոր գործիքներուն, և նաշիհին ու գինիին ու իւղին և կնդրուկին ու համեմներուն վերակացուները անոնցմէ էին: 30Եւ համեմներուն բաղադրութիւնովը իւղը շինողները քահանաներուն որդիներէն էին: 31Ու Ղեւտացիներէն` Կորխացի Սեղղումի անդրանիկը Մատաթիա տապակի գործին վերակացուն էր: 32Եւ առաջաւորութեան հացին վերակացուները անոնց եղբայրներէն, Կահաթացւոց որդիներէն, էին, որպէս զի զանիկա շաբաթէ շաբաթ պատրաստեն: 33Ու ասոնք, այսինքն Ղևտացւոց տոհմերուն իշխանները, երգեցողներ էին. և սենեակներուն մէջ կը նստէին. և ուրիշ գործ մը չունէին, քանզի ցորեկ ու գիշեր այս պաշտօնով զբաղած էին: 34Այս Ղևտացւոց տոհմերուն իշխանները իրենց ցեղերուն համեմատ իշխաններ էին. անոնք Երուսաղէմի մէջ կը բնակէին:

Սաւուղ թագաւորին նախահայրերն ու յաջորդ սերունդը

35Եւ Գաբաւոնի մէջ Գաբաւոնի հայրը Յէիէլ կը բնակէր. ու անոր կնոջ անունը Մաաքա էր. 36Եւ անոր անդրանիկ որդին Աբդօն էր. ետքը Սուր, Կիս, Բաաղ, Ներ, Նադաբ, 37Գեդովր, Աքիով, Զաքարիա և Մակեղօթ էին: 38Ու Մակեղօթ ծնաւ Սամաամը. ու ասոնք ալ իրենց եղբայրներուն դիմաց` Երուսաղէմի մէջ իրենց եղբայրներուն հետ բնակեցան: 39Եւ Ներ ծնաւ Կիսը, ու կիս ծնաւ Սաւուղը, և Սաւուղ ծնաւ Յովնաթանը, Մեղքիսաւէն, Աբինադաբը ու Եսբաաղը: 40Եւ Յովնաթանի որդին Մերիբաաղ էր. ու Մերիբաաղ ծնաւ Միքան: 41Եւ Միքայի որդիները Փիթօն, Մելէք, Թարէ ու Աքազ էին: 42Եւ Աքազ ծնաւ Յովադան, ու Յովադա ծնաւ Գաղեմէթը, Ազամօթը ու Զամբրին. և Զամբրի ծնաւ Մոսան. 43Ու Մոսա ծնաւ Բանաան. անոր որդին Ռափայիա, անոր որդին Եղեասա, ու անոր որդին Եսէլ էր: 44Ու Եսէլ վեց որդի ունէր, և անոնց անունները ասոնք են. Եզրիկամ, Բոքերու, Իսմայէլ, Սաարիա, Աբդիա ու Անան. Եսէլի որդիները ասոնք էին: