1Պօղոս և Սիղուանոս ու Տիմոթէոս, Թեսաղոնիկեցւոց եկեղեցիիդ Հայր Աստուծով ու Տէր Յիսուս Քրիստոսով. 2Շնորհք և խաղաղութիւն ձեզի Աստուծմէ մեր Հօրմէն ու Տէր Յիսուս Քրիստոսէ*: Կը գոհանանք Աստուծմէ ամէն ատեն ձեր ամէնուն համար` ձեզ յիշելով մեր աղօթքներուն մէջ.

Թեսաղոնիկեցիներու կեանքը և հաւատքը

3Անդադար յիշելով ձեր հաւատքին գործը ու սիրոյ աշխատութիւնը և մեր Տէր Յիսուս Քրիստոսի յոյսին համբերութիւնը` Աստուծոյ ու մեր Հօրը առջև. 4Եւ գիտնալով, Աստուծմէ սիրուած եղբայրներ, ձեր ընտրութիւնը. 5Որ մեր աւետարանը ոչ թէ միայն խօսքով եղաւ ձեզի, հապա զօրութիւնով ալ և Հոգւով Սրբով ու շատ ազդուութիւնով, ինչպէս գիտէք ալ թէ ի°նչպէս կեցանք ձեր մէջ ձեզի համար: 6Դուք ալ մեզի ու Տէրոջը նմանող ըլլալով` ընդունեցիք խօսքը շատ նեղութեան մէջ Հոգւոյն Սրբոյ ուրախութիւնովը. 7Այնպէս որ դուք օրինակ եղաք բոլոր հաւատացեալներուն, որոնք Մակեդոնիայի ու Աքայիայի մէջ են: 8Վասն զի ձեզմէ հռչակուեցաւ Տէրոջը խօսքը, ոչ թէ միայն Մակեդոնիայի ու Աքայիայի մէջ, հապա նաև ամէն տեղ ձեր հաւատքը, որ դէպ ի Աստուած է, տարածուեցաւ, այնպէս որ ա°լ պէտք չէ մեզի բան մը խօսիլ: 9Քանզի իրենք կը պատմեն մեզի համար, թէ ի°նչպէս եղաւ մեր ձեր քով մտնելը, և ի°նչպէս դուք կուռքերէն Աստուծոյ դարձաք` կենդանի ու ճշմարիտ Աստուծոյ ծառայելու, 10Եւ սպասելու անոր Որդւոյն` երկինքէն. զոր ինք մեռելներէն յարուց, այսինքն Յիսուսը, որ զատէ մեզ գալու բարկութենէն: