Ասուերոսի մեծնալը և Մուրթքէի յառաջանալը

1Եւ Ասուերոս թագաւորը ցամաք երկիրներու վրայ ու ծովու կղզիներուն վրայ հարկ ձգեց: 2Եւ անոր քաջութեանը բոլոր գործերը ու զօրութիւնը, և Մուրթքէի մեծութեանը փառքը, որով թագաւորը զանիկա մեծցուց, ահա Մարաց ու Պարսից թագաւորներուն ժամանակագրութեան գիրքին մէջ գրուած են: 3Վասն զի Մուրթքէ Հրեան Ասուերոս թագաւորին երկրորդն էր, ու Հրեաներուն մէջ մեծ` ու իր եղբայրներուն բազմութեանը հաճոյ էր. իր ազգին աղէկութիւնը կը փնտռէր, և իր բոլոր սերունդին խաղաղութեանը վերաբերեալ բաները կը խօսեր: