Աքսորէն վերադարձողներուն ցանկը

1Եւ Բաբելոնի Նաբուգոդոնոսոր թագաւորին Բաբելոն տարած գերիներէն ելլող գաւառի բնակիչները ասոնք էին, որոնք Երուսաղէմ ու Յուդա դարձան, ամէն մէկը իր քաղաքը. 2Ու Զօրաբաբէլի, Յեսուի, Նէեմիայի, Սարայիայի, Հռէէղիայի, Մուրթքէի, Բաղասանի, Մասփարի, Բագուէի, Հռէումի ու Բաանայի հետ եկան: Եւ այս էր Իսրայէլի ժողովուրդին մարդոցը թիւը. 3Փարոսի որդիները երկու հազար հարիւր եօթանասունուերկու. 4Սափատիայի որդիները երեք հարիւր եօթանասունուերկու. 5Արահի որդիները եօթը հարիւր եօթանասունըհինգ. 6Փաաթ-մովաբի որդիները, Յեսուի ու Յովաբի որդիներէն, երկու հազար ութ հարիւր տասուերկու. 7Եղամի որդիները հազար երկու հարիւր յիսունըչորս. 8Զաթուի որդիները ինը հարիւր քառասունըհինգ. 9Զաքքայի որդիները եօթը հարիւր վաթսուն. 10Բանիի որդիները վեց հարիւր քառասունուերկու. 11Բեբայի որդիները վեց հարիւր քսանուիրեք. 12Ազգադի որդիները հազար երկու հարիւր քսանուերկու. 13Ադոնիկամի որդիները վեց հարիւր վաթսունըվեց. 14Բագուէի որդիները երկու հազար յիսունըվեց. 15Ադինի որդիները չորս հարիւր յիսունըչորս. 16Ատերի որդիները Եզեկիայէ իննսունըութ. 17Բեսէիի որդիները երեք հարիւր քսանուիրեք. 18Յօրայի որդիները հարիւր տասուերկու. 19Հասումի որդիները երկու հարիւր քսանուիրեք. 20Գաբերի որդիները իննըսունըհինգ. 21Բեթլէհէմի որդիները հարիւր քսանուիրեք. 22Նետոփայի մարդիկը յիսունըվեց. 23Անաթովթի մարդիկը հարիւր քսանըութ. 24Ազամօթի որդիները քառասունուերկու. 25Կարիաթարիմի, Կեփիրայի ու Բերովթի որդիները եօթը հարիւր քառասունուիրեք. 26Ռամայի ու Գաբայի որդիները վեց հարիւր քսանըմէկ. 27Մաքմասի մարդիկը հարիւր քսանուերկու. 28Բեթէլի ու Գայիի մարդիկը երկու հարիւր քսանուիրեք. 29Նաբաւի որդիները յիսունուերկու. 30Մակեբիսի որդիները հարիւր յիսունըվեց. 31Միւս Եղամի որդիները հազար երկու հարիւր յիսունըչորս. 32Հարիմի որդիները երեք հարիւր քսան. 33Ղովդի, Ադիդի ու Ովնովի որդիները եօթը հարիւր քսանըհինգ. 34Երիքովի որդիները երեք հարիւր քառասունըհինգ. 35Սենաայի որդիները երեք հազար վեց հարիւր երեսուն: 36Քահանաները, Յեսուի տունէն Յեդայիայի որդիները ինը հարիւր եօթանասունուիրեք. 37Եմմերի որդիները հազար յիսունուերկու. 38Փասուրի որդիները հազար երկու հարիւր քառասունըեօթը. 39Հարիմի որդիները հազար տասնըեօթն էին: 40Ղեւտացիները, Ովդուիայի որդիներէն, Յեսուի ու Կադմիէլի որդիները եօթանասունըչորս էին: 41Երգեցողները, Ասափի որդիները, հարիւր քսանըութ էին: 42Դռնապաններուն որդիները, Սեղղումի որդիները, Ատերի որդիները, Տեղմոնի որդիները, Ակկուրի որդիները, Ատիտայի որդիները, Սուբայի որդիները՝ ամէնը հարիւր երեսունըինն էին: 43Նաթանայիմները ասոնք էին. Սիայի որդիները, Ասուփայի որդիները, Տաբաովդի որդիները, 44Կերոսի որդիները, Սիայի որդիները, Փադօնի որդիները, 45Ղաբանայի որդիները, Ագաբայի որդիները, Ակկուբի որդիները, 46Ագաբի որդիները, Սաղամէի որդիները, Անանի որդիները, 47Գեդդէլի որդիները, Գաաբի որդիները, Ռէայիայի որդիները, 48Ռասինի որդիները, Նեկոդայի որդիները, Գաղամի որդիները, 49Ոզայի որդիները, Փասէի որդիները, Բասիի որդիները, 50Ասենայի որդիները, Մովանիմի որդիները, Նեփուսիմի որդիները, 51Բակբոկի որդիները, Ակուփայի որդիները, Արուրի որդիները, 52Բասաղօթի որդիները, Մէիդայի որդիները, Աբսայի որդիները, 53Բարկոսի որդիները, Սիսարայի որդիները, Թամայի որդիները, 54Նեսիայի որդիները, Ատեփայի որդիները, 55Սողոմոնի ծառաներուն որդիները, Սոտէի որդիները, Սոփերաթի որդիները, 56Փարեդայի որդիները, Յեղայի որդիները, Դերկոնի որդիները, 57Գեդդէլի որդիները, Սափատիայի որդիները, Ատտիլի որդիները, Փաքարաթ-ասեփայիմի որդիները, Ամիի որդիները. 58Բոլոր Նաթանայիմները ու Սողոմոնի ծառաներուն որդիները երեք հարիւր իննսունուերկու էին: 59Ու Թեղմեղայէ, Թեղարսայէ, Քերուբէ, Ադդանէ ու Եմմերէ ելլողները ասոնք էին, և իրենց հայրերուն տունը ու իրենց սերունդը, այսինքն Իսրայէլէ ըլլալնին, ցուցնելու կարող չեղան: 60Դաղայիայի որդիները, Տուբիայի որդիները ու Նեկոդայի որդիները վեց հարիւր յիսունուերկու մարդ: 61Եւ քահանաներուն որդիներէն՝ Աբաիայի որդիները, Ակկուսի որդիները, Բերզելիի որդիները, որ Գաղաադացի Բերզելիի աղջիկներէն կին առնելով՝ անոնց անունովը կոչուեցաւ: 62Ասոնք իրենց ազգաբանութեան գիրքը փնտռեցին, բայց չկրցան գտնել. ու անմաքուր սեպուելով՝ քահանայութենէ արգիլուեցան: 63Եւ Աթարսաթա անոնց ըսաւ, Մինչև որ Ուրիմով ու Թումիմով քահանայ մը չելլէ, անոնք ամենասուրբ բաներէն չուտեն: 64Բոլոր ժողովքը մէկտեղ քառասունուերկու հազար երեք հարիւր վաթսուն հոգի էր. 65Բաց ի անոնց ծառաներէն ու աղախիններէն, որոնք եօթը հազար երեք հարիւր երեսունըեօթն էին. ու անոնց մէջ երկու հարիւր այր և կին երգեցողներ կային: 66Անոնց ձիերը եօթը հարիւր երեսունըվեց, ջորիները երկու հարիւր քառասունըհինգ, 67Ուղտերը չորս հարիւր երեսունըհինգ ու էշերը վեց հազար եօթը հարիւր քսան էին: 68Եւ տոհմերու իշխաններէն ոմանք երբ Երուսաղէմ եղող Տէրոջը տունը գացին, Աստուծոյ տանը կամաւոր ընծաներ տուին, որպէս զի զանիկա իր տեղը հաստատեն: 69Անոնք իրենց կարողութեանը չափ վաթսունըմէկ հազար դրամ ոսկի, ու հինգ հազար մնաս արծաթ, ու հարիւր քահանայական պատմուճան տուին գործաւորութեան գանձին: 70Եւ քահանաները ու Ղեւտացիները ու ժողովուրդէն եղողները, երգեցողները, դռնապանները և Նաթանայիմները իրենց քաղաքներուն մէջ, ու բոլոր Իսրայէլ իրենց քաղաքներուն մէջ բնակեցան: