Իրարու բեռ կրեցէք

1Եղբայրներ, եթէ մէկը յանկարծ ինչ և իցէ յանցանքով բռնուելու ըլլայ, դուք որ հոգևոր էք, այնպիսին հեզութեան հոգիով ուղղութեան բերէք․ քու անձիդ ալ զգուշութիւն ըրէ որ չըլլայ թէ փորձութեան մէջ իյնաս։ 2Իրարու նեղութիւնները կրեցէք, և այնպէս Քրիստոսի օրէնքը կատարեցէք։ 3Քանզի եթէ մէկը ինքզինք բան մը ըլլալ կը սեպէ ու չէ, անիկա իր անձը կը խաբէ։ 4Բայց ամէն մարդ իր գործը թող կշռէ, ու ետքը միայն իր անձին վրայ պարծանք ունենայ, և ոչ թէ ուրիշի վրայ։ 5Վասն զի ամէն մէկը իր բեռը պիտի կրէ։ 6Խօսքին աշակերտութիւն ընողը իր վարդապետը ամէն բարի բաներու մասնակից ընէ։ 7Մի խաբուիք, Աստուած ծաղր չըլլար։ 8Վասն զի ինչ որ մարդ կը սերմանէ, նոյնը պիտի հնձէ. ան որ իր մարմինին կը սերմանէ, այն մարմինէն ապականութիւն պիտի հնձէ․ ու ան որ Հոգիին կը սերմանէ, այն Հոգիէն յաւիտենական կեանք պիտի հնձէ։ 9Բայց բարի գործելէն չձանձրանանք, քանզի յարմար ժամանակին պիտի հնձենք՝ եթէ չթուլնանք։ 10Ուստի քանի որ ժամանակը ձեռքերնիս է, բարիք ընենք ամէնուն մանաւանդ հաւատքին ընտանիներուն։

Յորդորներ և բարևներ

11Նայեցէք՝ ի՛նչպիսի գիրերով գրեցի ձեզի իմ ձեռքովս։ 12Որոնք որ կ’ուզեն մարմնի կողմանէ բարի երևնալ, անոնք ձեզ կը ստիպեն որ թլփատուիք, միայն որ Քրիստոսի խաչին համար չհալածուին։ 13Քանզի անոնք ալ որ թլփատուած են, իրենք օրէնքը չեն պահեր, հապա կ՛ուզեն որ դուք թլփատուիք, որպէս զի իրենք ձեր մարմինով պարծենան։ 14Բայց ես՝ քա՛վ լիցի որ պարծենամ, հապա միայն մեր Տէր Յիսուս Քրիստոսի խաչովը, որով աշխարհ ինծի խաչը ելած է, ես ալ աշխարհի։ 15Վասն զի Քրիստոս Յիսուսով ոչ թլփատութիւնը բան մըն է, ոչ ալ անթլփատութիւնը, հապա նոր ստեղծուած ըլլալն է բանը։ 16Եւ ան ամէնը որ այս կանոնին համեմատ կը քալեն, խաղաղու-թիւն ու ողորմութիւն ըլլայ անոնց վրայ, ու Աստուծոյ Իսրայէլին վրայ։ 17Ասկէ ետև մէ՛կը զիս թող չյոգնեցնէ, վասն զի ես Տէր Յիսուսի վէրքի նշանները իմ մարմնիս վրայ կը կրեմ։ 18Եղբայրներ, մեր Տէր Յիսուս Քրիստոսի շնորհքը ձեր հոգիին հետ ըլլայ։ Ամէն։