Ովսէէ և անհաւատարիմ կինը

1Անկէ ետքը Տէրը ինծի ըսաւ, Նորէն գնա, իր բարեկամէն սիրուած շնացող կին մը սիրէ, ինչպէս Տէրը Իսրայէլի որդիները կը սիրէ, թէև անոնք օտար աստուածներու կը դառնան, ու չամչեղէն կարկանդակներ կը սիրեն։ 2Ուստի զանիկա տասնըհինգ սիկղ արծաթով ու մէկ ու կէս քոռ գարիով ինծի առի. 3Եւ անոր ըսի, Ինծի համար շատ օրեր նստիս, շնութիւն չընես և ուրիշ մարդու մը չմօտենաս, ու ես ալ քեզի համար այնպէս պիտի ըլլամ։ 4Քանզի Իսրայէլի որդիները շատ օրեր առանց թագաւորի, առանց իշխանի, առանց զոհի, առանց կուռքի, առանց եփուտի ու թերափիմի պիտի նստին։ 5Ետքը Իսրայէլի որդիները պիտի դառնան, ու իրենց Տէր Աստուածը և իրենց Դաւիթ թագաւորը պիտի փնտռեն, ու վերջին օրերը Տէրոջը ու անոր բարութեանը պիտի ապաստանին։