1Եւ այն օրը եօթը կին մէկ այր մարդը պիտի բռնեն ու ըսեն, Մեր հացը ուտենք ու մեր հանդերձը հագնինք, Բայց միայն քու անունդ կանչուի մեր վրայ` Մեր նախատինքը վերցնելու համար:

Երուսաղէմ պիտի վերականգնի

2Այն օրը Տէրոջը շառաւիղը Փառաւոր ու պատուական պիտի ըլլայ, Եւ Իսրայէլի փրկուածներուն` Երկրին պտուղը պարծանաց և պատուոյ համար պիտի ըլլայ: 3Եւ պիտի ըլլայ որ Սիօնի մէջ մնացածը Ու Երուսաղէմի մնացորդը, Այսինքն Երուսաղէմի մէջ բոլոր ողջ կեցողները, Սուրբ պիտի ըսուին. 4Երբ Տէրը Սիօնի աղջիկներուն աղտը լուայ, Ու դատաստանի հոգիով և այրող հոգիով Երուսաղէմի արիւնները անոր մէջէն սրբէ: 5Եւ Տէրը Սիօն լեռանը ամէն տեղերուն վրայ Ու անոր ժողովքներուն վրայ Ցորեկը ամպ և մէգ Ու գիշերը փայլուն կրակի բոց պիտի ստեղծէ, Վասն զի բոլոր փառքին վրայ հովանի պիտի ըլլայ: 6Եւ ցորեկը վրան պիտի ըլլայ Տաքութեան համար հովանի` Եւ մրրիկի ու անձրևի համար Ապաստանարան ու ծածկոց ըլլալու: