1Ու եղաւ որ եօթներորդ ամսուն մէջ թագաւորական սերունդէն եղող Եղիսամայի որդւոյն Նաթանիայի որդին Իսմայէլ, թագաւորին նախարարներովը ու իրեն հետ տասը մարդով Մասփա եկաւ Աքիկամի որդւոյն Գոդողիայի, ու հոն մէկտեղ հաց կերան Մասփայի մէջ: 2Եւ Նաթանիայի որդին Իսմայէլ ու իրեն հետ եղող տասը մարդը ելան, և Սափանի որդւոյն Աքիկամի որդին Գոդողիան սրով զարկին ու մեռցուցին զանիկա` զոր Բաբելոնի թագաւորը երկրին վրայ դրեր էր: 3Նաև Գոդողիայի հետ Մասփայի մէջ եղող բոլոր Հրեաները, և հոն գտնուած Քաղդէացի պատերազմականները Իսմայէլ կոտրեց: 4Ու եղաւ որ Գոդողիան մեռցնելէն ետքը, հետևյալ օրը դեռ մարդ չիմացած, 5Սիւքեմէ. Սելովէ ու Սամարիայէ` մօրուքնին ածիլած, և հանդերձնին պատռած ու իրենց մարմինին վրայ կտրածներ ըրած ութսուն մարդ եկան, և անոնց ձեռքը ընծաներ ու կնդրուկ կային` Տէրոջը տունը տանելու համար: 6Եւ Նաթանիայի որդին Իսմայէլ Մասփայէ ելաւ զանոնք դիմաւորելու. անիկա գացած ատենը լալով կ’երթար. ու երբ անոնց հասաւ` անոնց ըսաւ, Աքիկամի որդւոյն Գոդողիայի եկէք: 7Ու եղաւ որ երբ անոնք քաղաքին մէջտեղը եկան, Նաթանիայի որդին Իսմայէլ` ինք իրեն հետ եղող մարդոցմով զանոնք մեռցուց ու փոսին մէջ նետեց: 8Եւ անոնց մէջ տասը մարդ գտնուեցաւ որ Իսմայէլի ըսին, Մեզ մի մեռցներ, վասն զի մենք դաշտը ցորենի, գարիի, իւղի ու մեղրի ծածուկ շտեմարաններ ունինք. ուստի անիկա զանց ըրաւ, և զանոնք իրենց եղբայրներուն մէջ չմեռցուց: 9Ու այն փոսը` որուն մէջ Իսմայէլ Գոդողիայի պատճառաւ բոլոր մեռցուցած մարդոցը դիերը նետեց, նոյնն էր զոր Ասա թագաւորը շիներ էր` Իսրայէլի Բաասա թագաւորին երեսէն վախնալուն համար. Նաթանիայի որդին Իսմայէլ զանիկա մեռելներով լեցուց: 10Եւ Իսմայէլ Մասփայի մէջ եղող ժողովուրդին բոլոր մնացորդը գերի ըրաւ, թագաւորին աղջիկները ու Մասփայի մէջ մնացած բոլոր ժողովուրդը, որոնց վրայ Նաբուզարդան դահճապետը Աքիկամի որդին Գոդողիան վերակացու դրեր էր. և Նաթանիայի որդին Իսմայէլ զանոնք գերի առնելով` գնաց Ամմոնի որդիներուն անցնելու: 11Եւ Կարէի որդին Յօհանան ու անոր հետ եղող բոլոր զօրավարները երբ Նաթանիայի որդւոյն Իսմայէլի ըրած բոլոր չարութիւնը լսեցին, 12Իրենց բոլոր մարդիկը առին, ու Նաթանիայի որդւոյն Իսմայէլի հետ պատերազմելու գացին, և զանիկա Գաբաւոնի շատ ջուրերուն քով գտան: 13Ու Իսմայէլի հետ եղող բոլոր ժողովուրդը երբ Կարէի որդին Յօհանանը ու անոր հետ եղող բոլոր զօրավարները տեսան, ուրախացան: 14Եւ Իսմայէլի Մասփայէ գերի քշած բոլոր ժողովուրդը երեսնին դարձուցին, ու ետ դառնալով` Կարէի որդւոյն Յօհանանի գացին: 15Բայց Նաթանիայի որդին Իսմայէլ ութ մարդով Յօհանանի երեսէն փախաւ, ու Ամմոնի որդիներուն գնաց: ԳԼՈՒԽ ԽԲ - 42