Յուդային սահմանուած երկիրը

1Եւ Յուդայի որդիներուն ցեղին վիճակը իրենց տոհմերուն համեմատ՝ մինչև Եդովմայեցւոց սահմանը կը հասնէր. հարաւային կողմէն Սին անապատը անոնց հարաւային ծայրն էր։ 2Եւ անոնց հարաւային սահմանը այս եղաւ. Աղի ծովուն ծայրէն, այսինքն հարաւակողմը նայող ծոցէն, սկսելով, 3Ու հարաւային կողմէն Ակրաբիմի զառ ի վերը ելլելով Սին կ’անցնի, ու հարաւային կողմէն Կադէս-բառնեայ ելլելով Եսրոն կ’անցնի. ետքը դէպ ի Ադդար ելլելով Կարկայի կողմը կը պտըտի. 4Ետքը Ասեմոնէ անցնելով Եգիպտոսի հեղեղատը կ’ելլէ, ու այս սահմանը ծովուն մէջ կը վերջանայ. ձեր հարաւային սահմանը այս է։ 5Եւ արեւելեան սահմանը Աղի ծովն է մինչև Յորդանանու ծայրը։ Ու հիւսիսային կողմի սահմանը Յորդանանու ծայրը եղող ծոցէն կը սկսի. 6եւ այս սահմանը մինչև Բեթագղա կ’ելլէ, ու Բեթարաբայի հիւսիսային կողմէն կը պտըտի. և այս սահմանը մինչև Ռուբենեան Բաանի վէմը կ’ելլէ. 7Ետքը այս սահմանը Աքովրի ձորէն Դաբիր կ’ելլէ, ու հիւսիսային կողմէն Գաղգաղա կը դառնայ, որ այն ձորին հարաւակողմը եղող Էդովմինի զառ ի վերին դիմաց է. և այս սահմանը Ենսամիւսի ջուրէն կ’անցնի, ու Ռովգելի աղբիւրը կը վերջանայ. 8Եւ այս սահմանը Ենովմի որդւոյն ձորը՝ հարաւային կողմէն Յեբուսի, այսինքն Երուսաղէմի, քով կ’ելլէ, ետքը այս սահմանը մինչև այն լեռան գլուխը կ’ելլէ, որ արեւմտեան կողմէն Ենովմի ձորին դիմաց է, ու Հիւսիսային կողմէն Ռափայիններուն ձորին ծայրն է. 9Եւ այս սահմանը լեռանը գլխէն մինչև Նափթովայի ջուրին աղբիւրը կը հասնի, ու Եփրոն լեռանը քաղաքները կ’ելլէ, ետքը այս սահմանը մինչև Բաաղա, այսինքն Կարիաթարիմ, կը հասնի. 10Եւ այս սահմանը Բաաղայէ դէպ ի արեւմուտք Սէիր լեռը կը պտըտի, ու հիւսիսային կողմէն Յարիմ լեռանը քովէն կ’անցնի, որ Քեսաղօն է. անկէ Բեթսամիւս կ’իջնէ, ու Թամնա կ’անցնի. 11Եւ այս սահմանը Ակկարոնի քով կ’ելլէ դէպ ի հիւսիս, ու այս սահմանը Սաքարօն հասնելով՝ Բաաղա լեռնէն կ’անցնի, ու Յաբնէլ կ’ելլէ. և այս սահմանը ծովուն մէջ կը վերջանայ։ 12Եւ արեւմտեան սահմանը մեծ ծովուն եզերքն է. Յուդայի որդիներուն սահմանը շուրջանակի իրենց տոհմերուն համեմատ ասիկա է։

Քաղէբ Քեբրոնը և Դաբիրը կը գրաւէ

13Եւ Յեփոնեան Քաղէբի՝ Յուդայի որդիներուն մէջ Ենակի հօրը Արբայի քաղաքը, այսինքն Քեբրոնը բաժին տուաւ, ինչպէս Տէրը Յեսուի հրամայեր էր։ 14Եւ Քաղէբ անկէ Ենակի երեք որդիները, Սէսին ու Աքիմանը և Թոլմին, Ենակի որդիները, վռնտեց. 15Եւ անկէ Դաբիրի բնակիչներուն վրայ գնաց. (ու Դաբիրի անունը առաջ Կարիաթ-սեփեր էր.) 16Եւ Քաղէբ ըսաւ, Ով որ Կարիաթ-սեփերը զարնէ ու առնէ, Իմ Աքսա աղջիկս անոր կնութեան պիտի տամ։ 17Եւ Քաղէբի եղբօրը Կենեզի որդին Գոթոնիէլ առաւ զանիկա. ու Քաղէբ իր Աքսա աղջիկը անոր կնութեան տուաւ։ 18Ու երբ անոր կ’երթար, զանիկա յորդորեց որ իր հօրմէն ագարակ մը ուզէ. և իշուն վրայէն վար իջաւ. ու Քաղէբ անոր ըսաւ, Ի՞նչ եղաւ քեզի. 19Եւ աղջիկը ըսաւ, Ինծի օրհնութիւն տուր. որովհետև ինծի հարաւային երկիր մը տուիր, ինծի ջուրի աղբիւրներ ալ տուր. ուստի անոր՝ վերի աղբիւրները ու վարի աղբիւրները տուաւ։

Յուդայի քաղաքները

20Յուդայի որդիներուն ցեղին ժառանգութիւնը իրենց տոհմերուն համեմատ ասիկա է։ 21Ու Եդովմի սահմանին քով հարաւային կողմը Յուդայի որդիներուն ցեղին վերջին քաղաքները ասոնք են. Կաբեսէէլ, Եդեր, Յագուր, 22Կինա, Դէմօնա, Ադադա, 23Կադէս, Հասոր, Յեթնան, 24Զիփ, Տէլէմ, Բաալօթ, 25Հասոր-ադաթա, Կարիօթ, Եսրոն որ է Հասոր, 26Ամամ, Սամա, Մօլադա, 27Ասեր-գադդա, Եսեմոն, Բեթփաղէթ, 28Ասեր-սուաղ, Բերսաբէէ, Բազիօթիա, 29Բաաղա, Իյիմ, Ասէմ, 30Էլթուղադ, Քէսիլ, Հօրմա, 31Սիկելակ, Մադմաննա, Սանսաննա, 32Լաբաովթ, Սէլէմ, Ային ու Ռեմօն. ամէնը քսանըինը քաղաք է, ու անոնց գեղերը։ 33Դաշտավայրի մէջ՝ Եսթաւուղ, Սարաա, Ասնա, 34Զանով, Ենգանիմ, Թափուա, Ենայիմ, 35Յերիմութ, Ոդողոմ, Սոքով, Ազեկա, 36Սագարիմ, Ատիթայիմ և Գադերա (ու Գադերօթայիմ). տասնըչորս քաղաք և անոնց գեղերը։ 37Սէննան, Ադասա, Մագդաղգադ, 38Դաղաան, Մասփա, Յեկթովէլ, 39Լաքիս, Բազկաթ, Էգղոն, 40Քաբբօն, Լամաս, Քիթլիս, 41Գադերօթ, Բեթդագոն, Նաամա ու Մակեդա. տասնըվեց քաղաք և անոնց գեղերը։ 42Լեբնա, Եթեր, Ասան, 43Յեփթա, Ասնա, Նեսիբ, 44Կէիլա, Աքեզիբ և Մարեսա. ինը քաղաք ու անոնց գեղերը։ 45Ակկարոն իր գիւղաքաղաքներովը ու գեղերովը. 46Ակկարոնէ մինչև ծովը, Ասեդովթի քովի բոլոր քաղաքները իրենց գեղերովը, 47Ասեդովթ իր գիւղաքաղաքներովը ու գեղերովը. Գազա իր գիւղաքաղաքներովը ու գեղերովը մինչև Եգիպտոսի հեղեղատը ու մինչև մեծ ծովը իր սահմաններովը։ 48Եւ լեռնավայրի վրայ՝ Սամիր, Յաթիր, Սոքով, 49Դաննա, Կարիաթ-սաննա, այսինքն Դաբիր, 50Անաբ, Եսթեմով, Անիմ, 51Գոսոմ, Քօղօն ու Գեղոն. տասնըմէկ քաղաք ու անոնց գեղերը։ 52Երեբ, Դումա, Եսան, 53Յանում, Բեթթափուա, Ափեկա, 54Քամմատա, Կարիաթ-արբա, այսինքն Քեբրոն, ու Սիովր. ինը քաղաք և անոնց գեղերը։ 55Մաոն, Կարմեղոս, Զիփ, Յետտա, 56Յեզրայէլ, Յեկդաամ, Զանով, 57Կային, Գաբաա ու Թամնա. տասը քաղաք ու անոնց գեղերը։ 58Աղուղ, Բեթսուր, Գեղովր, 59Մաարաթ, Բեթանովթ ու Ելթեկոն. վեց քաղաք ու անոնց գեղերը։ 60Կարիաթ-բաաղ, այսինքն Կարիաթարիմ ու Ռաբբա. երկու քաղաք ու անոնց գեղերը։ 61Անապատին մէջ Բեթարաբա, Մադդին, Սեքաքա, 62Նեբսան, Աղի քաղաքը ու Ենգադդի. վեց քաղաք ու անոնց գեղերը։ 63Բայց Յուդայի որդիները կարող չեղան Երուսաղէմի մէջ բնակող Յեբուսացիները վռնտել. ուստի Յեբուսացիները Յուդայի որդիներուն հետ Երուսաղէմի մէջ կը բնակին մինչև այսօր։