Քահանաներուն և Ղեւտացիներուն ցանկը

1Եւ Սաղաթիելեան Զօրաբաբէլի ու Յեսուի հետ ելլող քահանաները ու Ղեւտացիները ասոնք են. Սարայիա Երեմիա, Եզրաս, 2Ամարիա, Մալուք, Քետտուս, 3Սեքենիա, Հռէում, Մերամօթ, 4Ադդով, Կանաթօն, Աբիա, 5Միամին, Մովադիա, Բեղգա, 6Սեմայիա, Յովարիբ, Յեդայիա, 7Սալլու, Ամոկ, Քեղկիա, Յեդայիա, Յեսուի օրերը ասոնք էին քահանաներուն իշխանները իրենց եղբայրներովը: 8Ու Ղեւտացիք, Յեսու, Բանուի, Կադմիէլ, Սարաբիա, Յուդա ու Մաթանիա. ասիկա իր եղբայրներուն հետ օրհնութիւններուն վրայ էր. 9Եւ անոնց եղբայրները, Բակբոկիա և Ուննի, անոնց դիմաց իրենց կարգին մէջ կը կայնէին:

Քահանայապետ Յեսուին սերունդը

10Ու Յեսու ծնաւ Յովակիմը, և Յովակիմ ծնաւ Եղիասիբը, ու Եղիասիբ ծնաւ Յովիադան, 11Եւ Յովիադա ծնաւ Յով-նաթանը, ու Յովնաթան ծնաւ Յադդու-ան:

Քահանակայան դասուն գլուխները

12Եւ Յովակիմի օրերը տոհմապետ քահանաները ասոնք էին. Սարայիայէ Մարայիա, Երեմիայէ Անանիա, 13Եզրասէ Մեսուղամ, Ամարիայէ Յօհանան, 14Մալուքէ Յովնաթան, Սաբանիայէ Յովսէփ, 15Հարիմէ Եդնա, Մարիօթէ Քեղկայ, 16Ադդովէ Զաքարիա, Կանաթօնէ Մեսուղամ, 17Աբիայէ Զեքրի, Մինիամինէ, Մովադիայէ Փաղտի, 18Բեղգայէ Սամուա, Սեմայիայէ Յովնաթան, 19Յովարիբէ Մաթանայ, Յեդայիայէ Ոզի, 20Սալլուէ Կալլայ, Ամոկէ Եբեր, 21Քեղկիայէ Ասաբիա, Յեդայիայէ Նաթանայէլ:

Քահանայական և ղեւտական ընտանիքներու արձանագրութիւնը

22Եղիասիբի, Յովիադայի, Յօհանանի ու Յադդուայի օրերը Ղեւտացիք, այսինքն անոնց տոհմապետները, գրուեցան. նաև քահանաները՝ մինչև Պարսից Դարեհի թագաւորութիւնը: 23Ղևիի որդիներուն տոհմապետները մինչև Եղիասիբեան Յօհանանի օրերը ժամանակագրութեան գիրքին մէջ գրուեցան:

Տաճարի ծառայութեան սահմանումը

24Ու Ղեւտացւոց իշխանները Ասաբիա, Սարաբիա, ու Կադմիէլի որդին Յեսու էին. և անոնց եղբայրները անոնց առջև կը կայնէին դաս դասի դէմ, որպէս զի Աստուծոյ մարդուն Դաւիթի հրամայածին պէս օրհնութիւն ու գոհութիւն մատուցանեն: 25Մաթանիա, Բակբոկիա, Աբդիա, Մեսուղամ, Տեղմոն ու Ակկուբ դրան շտեմարաններուն մէջ պահպանութիւն ընող դռնապաններն էին: 26Յովսեդեկեան Յեսուի որդւոյն Յովակիմի օրերը, ու Նէեմիա կառավարիչին ու Եզրաս քահանային ու դպիրին օրերը ասոնք էին:

Նէեմիա քաղաքին պարիսպը կը նուիրագործէ

27Ու Երուսաղէմի պարսպին նաւակատեաց ատենը Ղեւտացիները փնտռեցին իրենց բոլոր տեղերէն, որպէս զի զանոնք Երուսաղէմ բերեն, ու նաւակատիքը ուրախութեամբ, գոհութեամբ, օրհնութիւններով, ծնծղաներով, տաւիղներով ու քնարներով կատարեն: 28Ու երգեցողներուն որդիները Երուսաղէմի շրջակայ տեղերէն, ու Նետոփաթացւոց գեղերէն, 29Եւ Գաղգաղայի տունէն* ու Գաբայի ու Ազամօթի դաշտերէն ժողվուեցան. վասն զի երգեցողները Երուսաղէմի բոլորտիքը իրենց գեղեր շիներ էին: 30Եւ քահանաները ու Ղեւտացիները սրբուեցան, և ժողովուրդը ու դռները և պարիսպը սրբեցին: 31Եւ Յուդայի իշխանները պարսպին վրայ հանեցի, ու գոհութիւն երգող երկու մեծ դաս կարգեցի. մէկը պարսպին վրայ աջ կողմը դէպ ի Աղբից դուռը կ’երթար. 32Եւ անոր ետեւէն Ովսէիա ու Յուդայի իշխաններուն կէսը գացին. 33Նաև Ազարիա, Եզրաս, Մեսուղամ, Յուդա, 34Բենիամին, Սեմայիա ու Երեմիա. 35Եւ փողերով, քահանաներուն որդիներէն, Ասափի որդւոյն Զաքուրի որդւոյն Միքիայի որդւոյն Մաթանիայի որդւոյն Սեմայիայի որդւոյն Յովնաթանի որդին Զաքարիա. 36Ու անոր եղբայրները՝ Սեմայիա, Ազարիէլ, Միլալայ, Գիլալայ, Մաայ, Նաթանայէլ, Յուդա ու Անանի Աստուծոյն մարդուն Դաւիթի երգոց նուագարաններովը կ’երթային, ու անոնց առջևէն Եզրաս դպիրը. 37Եւ իրենց առջև եղող Աղբիւրի դուռը եկան, ու Դաւիթի քաղաքին աստիճաններէն պարսպին աստիճանը ելան, Դաւիթի տանը վրայէն դէպ ի արեւելք մինչև Ջուրի դուռը: 38Եւ գոհութիւն երգողներուն միւս դասը դիմացէն Ï՚երթային. ու ես՝ ժողովուրդին կէսին հետ պարսպին վրայ՝ Փուռերուն աշտարակէն մինչև լայն պարիսպը, 39Ու Եփրեմի դրանը վրայէն, և Հին դրանը վրայ, ու Ձկանց դրանը, և Անանայէլի աշտարակին ու Մէայի աշտարակին վրայ, մինչև Ոչխարաց դուռը անոնց ետևէն կ’երթայի. ու Բանտի դուռը կայնեցան. 40Եւ գոհութիւն երգողներուն երկու դասը Աստուծոյ տանը մէջ կայնեցան. նոյնպես ալ ես ու ոստիկաններուն կէսը՝ որոնք ինծի հետ էին. 41Նաև քահանաները, Եղիակիմ, Մաասիա, Մինիամին, Միքիա Եղիովէնայի, Զաքարիա ու Անանիա՝ փողերով. 42Եւ Մաասիա, Սեմայիա, Եղիազար, Ոզի, Յօհանան, Մեղքիա, Եղամ ու Եզեր: Այն ատեն երգեցողները իրենց վ»րակացուին Յեզերիայի հետ ձայներնին վերցուցին: 43Եւ այն օրը մեծ զոհեր մատուցին և ուրախութիւն ըրին, վասն զի Աստուած մեծ ուրախութիւնով ուրախացուց զանոնք. ու կիները և տղաքներն ալ ուրախութիւն ըրին, ու Երուսաղէմի ուրախութիւնը մինչև հեռու տեղեր լսուեցաւ:

Տաճարին մէջ պաշտամունքի պատրաստութիւն

44Եւ այն օրը սենեակներուն վրայ գանձերուն համար, ընծաներուն համար, երախայրի պտուղներուն համար ու տասանորդներուն համար մարդիկ որոշուեցան, որպէս զի քաղաքներուն ագարակներէն քահանաներուն ու Ղեւտացւոց օրինաւոր բաժինները հոն ժողվեն. քանզի Յուդա կայնող քահանաներուն ու Ղեւտացւոց վրայ ուրախացաւ. 45Վասն զի անոնք իրենց Աստուծոյն հրամանը ու սրբուելուն հրամանը կը պահէին, նոյնպէս ալ երգեցողները և դռնապանները Դաւիթի ու անոր որդւոյն Սողոմոնի պատուիրածին համեմատ: 46Վասն զի առաջ Դաւիթի ու Ասափի օրերը երգեցողներու գլխաւորներ կային, և զԱստուած օրհնելու ու գովելու երգեր: 47Ու բոլոր Իսրայէլ Զօրաբաբէլի օրերը և Նէեմիայի օրերը երգեցողներուն ու դռնապաններուն օրէ օր ռոճիկ կու տային. և սուրբ բաները Ղեւտացւոց կու տային, Ղեւտացիք ալ Ահարոնի որդիներուն կու տային: