1Ու երբ պարիսպը լմնցաւ, և դռներուն փեղկերը անցուցի, ու դռնապաններ երգեցողներ ու Ղեւտացիներ դրուեցան, 2Իմ եղբայրս Անանին, ու աշտարակին իշխանը Անանիան (որ հաւատարիմ ու շատերէն աւելի Աստուծմէ վախցող մարդ մըն էր) Երուսաղէմի վրայ դրի, 3Ու անոնց ըսի, Մինչև որ արևը չտաքնայ, Երուսաղէմի դռները չբացուին. և իրենց ներկայութիւնովը դռները գոցեն ու նիգերը դնեն, ու Երուսաղէմի բնակիչներէն պահապաններ կարգեն, ամէն մէկը իր պահպանութեանը մէջ, ու ամէն մէկը իր տանը դիմաց: 4Քաղաքը ընդարձակ ու մեծ էր, բայց մէջի ժողովուրդը քիչ էր, ու տուներ շինուած չէին: 5Եւ իմ Աստուածս իմ սրտիս մէջ դրաւ, որ ազնուականները, ոստիկանները ու ժողովուրդը ժողվեմ որպէս զի արձանագրուին. ու առաջին անգամ գերութենէն ելլողներուն մէկ ազգաբանութեան գիրքը գտայ, ու անոր մէջ այսպէս գրուած գտայ.

Աքսորէն վերադարձողներուն ցանկը

6Բաբելոնի Նաբուգոդոնոսոր թագաւորին տարած գերիներէն ելլող գաւառի բնակիչները ասոնք էին, որոնք Երուսաղէմ ու Յուդա դարձան, ամէն մէկը իր քաղաքը. 7Ու Զօրաբաբէլի, Յեսուի, Նէեմիայի, Ազարիայի, Ռաամիայի, Նաեմանիի, Մուրթքէի, Բաղասանի, Մասփարաթի, Բագուէի, Նաւումի ու Բաանայի հետ եկան: Եւ այս էր Իսրայէլի ժողովուրդին մարդոցը թիւը. 8Փարոսի որդիները՝ երկու հազար հարիւր եօթանասունուերկու. 9Սափատիայի որդիները՝ երեք հարիւր եօթանասունուերկու. 10Արահի որդիները՝ վեց հարիւր յիսունուերկու. 11Փաաթ մովաբի որդիները՝ Յեսուի ու Յովաբի որդիներէն՝ երկու հազար ութ հարիւր տասնըութ. 12Եղավի որդիները՝ հազար երկու հարիւր յիսունըչորս. 13Զաթուի որդիները՝ ութ հարիւր քառասունըհինգ. 14Զաքքայի որդիները՝ եօթը հարիւր վաթսուն. 15Բանուիի որդիները՝ վեց հարիւր քառասունըութ. 16Բեբայիի որդիները՝ վեց հարիւր քսանըութ. 17Ազգադի որդիները՝ երկու հազար երեք հարիւր քսանուերկու. 18Ադոնիկամի որդիները՝ վեց հարիւր վաթսունըեօթը. 19Բագուէի որդիները՝ երկու հազար վաթսունըեօթը. 20Ադինի որդիները՝ վեց հարիւր յիսունըհինգ. 21Ատերի որդիները Եզեկիայէ՝ իննսունըութ. 22Հասումի որդիները՝ երեք հարիւր քսանըութ. 23Բեսէիի որդիները՝ երեք հարիւր քսանըչորս. 24Արիփի որդիները՝ հարիւր տասուերկու. 25Գաբաւոնի որդիները՝ իննսունըհինգ. 26Բեթլէհէմի ու Նետոփայի մարդիկը՝ հարիւր ութսունըութ. 27Անաթովթի մարդիկը՝ հարիւր քսանըութ. 28Ազամօթի տանը մարդիկը քառասունուերկու. 29Կարիաթարիմի, Կեփիրայի ու Բերովթի մարդիկը՝ եօթը հարիւր քառասունուիրեք. 30Ռամայի ու Գաբայի մարդիկը՝ վեց հարիւր քսանըմէկ. 31Մաքմասի մարդիկը՝ հարիւր քսանուերկու. 32Բեթէլի ու Գայիի մարդիկը՝ հարիւր քսանուիրեք. 33Միւս Նաբաւի մարդիկը՝ յիսունուերկու. 34Միւս Եղամի որդիները՝ հազար երկու հարիւր յիսունըչորս. 35Հարիմի որդիները՝ երեք հարիւր քսան. 36Երիքովի որդիները՝ երեք հարիւր քառասունըհինգ. 37Ղովդի, Ադիդի ու Ովնովի որդիները՝ եօթը հարիւր քսանըմէկ. 38Սենաայի որդիները՝ երեք հազար ինը հարիւր երեսուն: 39Քահանաները՝ Յեսուի տունէն Յեդայիայի որդիները՝ ինը հարիւր եօթանասունուիրեք. 40Եմմերի որդիները՝ հազար յիսունուերկու. 41Փասուրի որդիները՝ հազար երկու հարիւր քառասունըեօթը. 42Հարիմի որդիները՝ հազար տասնըեօթն էին: 43Ղեւտացիները՝ Ովդուիայի որդիներէն Յեսուի ու Կադմիէլի որդիները եօթանասունըչորս էին: 44Երգեցողները, Ասափի որդիները, հարիւր քառասունըութ էին: 45Դռնապանները, Սեղղումի որդիները, Ատերի որդիները, Տեղմոնի որդիները, Ակկուրի որդիները, Ատիտայի որդիները, Սուբայի որդիները հարիւր երեսունըութ էին: 46Նաթանայիմները ասոնք էին. Սիայի որդիները, Ասուփայի որդիները, Տաբաովթի որդիները, 47Կերոսի որդիները, Սիայի որդիները, Փադօնի որդիները, 48Ղաբանայի որդիները, Ագաբայի որդիները, Սաղամէի որդիները, 49Անանի որդիները, Գեդդէլի որդիները, Գաարի որդիները, 50Ռէայիայի որդիները, Ռասինի որդիները, Նեկոդայի որդիները, 51Գազամի որդիները, Ոզայի որդիները, Փասէի որդիները, 52Բասիի որդիները, Մովանիմի որդիները, Նեփուսիմի որդիները, 53Բակբոկի որդիները, Ակուփայի որդիները, Արուրի որդիները, 54Բասաղօթի որդիները, Մէիդայի որդիները, Արսայի որդիները, 55Բարկոսի որդիները, Սիսարայի որդիները, Թամայի որդիները, 56Նեսիայի որդիները, Ատեփայի որդիները, 57Սողոմոնի ծառաներուն որդիները, Սոտէի որդիները, Սոփերաթի որդիները, Փարեդայի որդիները, 58Յեղայի որդիները, Դերկոնի որդիները, Գեդդէլի որդիները, 59Սափատիայի որդիները, Ատտիլի որդիները, Փաքարաթ-ասեբայիմի որդիները, Ամոնի որդիները. 60Բոլոր Նաթանայիմները ու Սողոմոնի ծառաներուն որդիները երեք հարիւր իննսունուերկու էին: 61Ու Թեղմեղայէ, Թեղարսայէ, Քերուբէ, Ադդօնէ ու Եմմերէ ելլողները ասոնք էին, և իրենց հայրերուն տունը ու իրենց սերունդը, այսինքն Իսրայէլէ ըլլալնին ցուցնելու կարող չեղան. 62Գաղայիայի որդիները, Տուբիայի որդիները, Նեկոդայի որդիները՝ վեց հարիւր քառասունուերկու մարդ: 63Եւ քահանաներէն՝ Աբաիայի որդիները, Ակկուսի որդիները, Բերզելիի որդիները, որ Գաղաադացի Բերզելիի աղջիկներէն կին առնելով՝ անոնց անունովը կոչուեցաւ: 64Ասոնք իրենց ազգաբանութեան գիրքը փնտռեցին, բայց չկրցան գտնել. ու անմաքուր սեպուելով՝ քահանայութենէ արգիլուեցան: 65Եւ Աթարսաթան անոնց ըսաւ, Մինչև որ Ուրիմով ու Թուրիմով քահանայ մը չելլէ, անոնք ամենասուրբ բաներէն չուտեն: 66Բոլոր ժողովքը մէկտեղ քառասունուերկու հազար երեք հարիւր վաթսուն հոգի էր, 67Բաց ի անոնց ծառաներէն ու աղախիններէն, որոնք եօթը հազար երեք հարիւր երեսունըեօթն էին. ու անոնց մէջ երկու հարիւր քառասունըհինգ այր և կին երգեցողներ կային: 68Անոնց ձիերը եօթը հարիւր երեսունըվեց, ջորիները երկու հարիւր քառասունըհինգ, 69Ուղտերը չորս հարիւր երեսունըհինգ, ու էշերը վեց հազար եօթը հարիւր քսան էին: 70Ու տոհմերու իշխաններէն ոմանք գործին համար ընծայ տուին. Աթարսաթան հազար դրամ ոսկի, յիսուն սկաւառակ ու հինգ հարիւր երեսուն քահանայական պատմուճան տուաւ գանձին: 71Եւ տոհմերու իշխաններէն ոմանք գործաւորութեան գանձին քսան հազար դրամ ոսկի, ու երկու հազար երկու հարիւր մնաս արծաթ տուին: 72Եւ մնացած ժողովուրդին տուածները քսան հազար դրամ ոսկի, ու երկու հազար մնաս արծաթ, ու վաթսունըեօթը քահանայական պատմուճան էին: 73Եւ քահանաները ու Ղեւտացիները և դռնապանները ու երգեցողները և ժողովուրդէն եղողները, ու Նաթանայիմները և բոլոր Իսրայէլ իրենց քաղաքներուն մէջ բնակեցան. ու երբ եօթներորդ ամիսը հասաւ, Իսրայէլի որդիները իրենց քաղաքներուն մէջ էին: