Իջևանին մէջ ցեղերուն կարգադրութիւնը

1Եւ Տէրը խօսեցաւ Մովսէսի ու Ահարոնի՝ ըսելով, 2Իսրայէլի որդիներուն ամէն մէկը իր դրօշակին քով իրենց հայրերուն տանը նշանովը իջեւան պիտի ընեն. ժողովքի խորանին դիմաց շուրջանակի իջեւան ընեն: 3Եւ առջեւի կողմը՝ դէպ ի արեւելք իջեւան ընողները Յուդայի բանակին զօրքերը ըլլան* իրենց գունդերուն կարգովը. և Ամինադաբի որդին Նաասոն Յուդայի որդիներուն իշխան պիտի ըլլայ: 4(Եւ անոր համրուած զօրքը եօթանասունÁչորս հազար վեց հարիւր հոգի էին:) 5Եւ անոր քով իջեւան ընողները Իսաքարի ցեղը պիտի ըլլայ. և Սովգարի որդին Նաթանայէլ Իսաքարի որդիներուն իշխան պիտի ըլլայ: 6(Եւ անոր համրուած զօրքը յիսունըչորս հազար չորս հարիւր հոգի էին:) 7Ետքը Զաբուղոնի ցեղը. և Քեղոնի որդին Եղիաբ Զաբուղոնի որդիներուն իշխան պիտի ըլլայ: 8(Եւ անոր համրուած զօրքը յիսունըեօթը հազար չորս հարիւր հոգի էին: 9Յուդայի բանակին մէջ համրուածներուն ամէնը, իրենց գունդերուն համեմատ, հարիւր ութսունըվեց հազար չորս հարիւր հոգի էին:) Ասոնք առջեւէն պիտի չուեն: 10Հարաւային կողմը Ռուբէնի բանակիÝ դրօշակը պիտի ըլլայ իրենց գունդերուն կարգովը. և Ռուբէնի որդիներուն իշխան՝ Սեդիուրի որդին Եղիսուր պիտի ըլլայ: 11(Եւ անոր համրուած զօրքը քառասունÁվեց հազար հինգ հարիւր հոգի էին:) 12Եւ անոր քով իջեւան ընողները Շմաւոնի ցեղը պիտի ըլլայ. ու Շմաւոնի որդիներուն իշխան` Սուրիսադայի որդին Սաղամիէլ պիտի ըլլայ: 13(Եւ անոր համրուած զօրքը յիսունըինը հազար երեք հարիւր հոգի էին:) 14Ու ետքը Գադի ցեղը և Գադի որդիներուն իշխան` Դագուէլի որդին Եղի³սափ պիտի ըլլայ: 15(Եւ անոր համրուած զօրքը քառասունըհինգ հազար վեց հարիւր յիսուն հոգի էին: 16Ռուբէնի բանակին մէջ համրուածներուն ամէնը, իրենց գունդերուն համեմատ, հարիւր յիսունըմէկ հազար չորս հարիւր յիսուն հոգի էին:) Եւ երկրորդ ասոնք պիտի չուեն: 17Ետքը Ղեւտացւոց բանակին հետ բանակներուն մէջտեղը ժողովքի խորանը պիտի չուէ. ամեն մարդ իր տեղը իրենց դրօշակներուն քով իջեւան ըրածնուն պէս պիտի չուեն: 18Արեւմտեան կողմը Եփրեմի բանակին դրօշակը պիտի ըլլայ իրենց գունդերուն կարգովը. ու Եփրեմի որդիներուն իշխան` Ամիուդի որդին Եղիսամա պիտի ըլլայ: 19(Եւ անոր համրուած զօրքը քառասուն հազար հինգ հարիւր հոգի էին:) 20Եւ անոր քով Մանասէի ցեղը. ու Մանասէի որդիներուն իշխան` Փադասուրի որդին Գամաղիէլ պիտի ըլլայ: 21(Եւ անոր համրուած զօրքը երեսունուերկու հազար երկու հարիւր հոգի էին:) 22Ու ետքը Բենիամինի ցեղը. և Բենիամինի որդիներուն իշխան` Գեդէօնիի որդին Աբիդան պիտի ըլլայ: 23(Եւ անոր համրուած զօրքը երեսունըհինգ հազար չորս հարիւր հոգի էին: 24Եփրեմի բանակին մէջ համրուածներուն ամէնը, իրենց գունդերուն համեմատ, հարիւր ութ հազար հարիւր հոգի էին:) Եւ երրորդ ասոնք պիտի չուեն: 25Հիւսիսային կողմը Դանի բանակին դրûշակը պիտի ըլլայ իրենց գունդերուն կարգովը. և Դանի որդիներուն իշխան` Ամիսադայի որդին Աքիեզէր պիտի ըլլայ: 26(Եւ անոր համրուած զօրքը վաթսունուերկու հազար եօթÁ հարիւր հոգի էին:) 27Եւ անոր քով իջեւան ընողները Ասերի ցեղը պիտի ըլլայ. ու Ասերի որդիներուն իշխան` Եքրանի որդին Փագիէլ պիտի ըլլայ: 28(Եւ անոր համրուած զօրքը քառասունÁմէկ հազար հինգ հարիւր հոգի էին:) 29Ու ետքը Նեփթաղիմի ցեղը. ու Նեփթաղիմի որդիներուն իշխան` Ենանի որդին Աքիրէ պիտի ըլլայ: 30(Եւ անոր համրուած զօրքը յիսունուիրեք հազար չորս հարիւր հոգի էին: 31Դանի բանակին մէջ համրուածներուն ամէնը հարիւր հիսունըեօթը հազար վեց հարիւր հոգի էին:) Ասոնք իրենց դրօշակներովը ամէնուն ետեւէն պիտի չուեն: 32Իսրայէլի որդիներէն իրենց հայրերուն ïáõներովը համրուածները ասոնք են. բանակներուն մէջ համրուածներուն ամէնը իրենց գունդերուն կարգովը վեց հարիւր երեք հազար հինգ հարիւր յիսուն հոգի էին: 33Բայց Ղեւտացիները չհամրուեցան Իսրայէլի որդիներուն հետ, ինչպէս Տէրը Մովսէսի պատուիրեր էր: 34Եւ Իսրայէլի որդիները Տէրոջը Մովսէսի բոլոր պատուիրածին պէս ըրին. այսպէս իրենց դրօշակներովը իջեւան կ’ընէին, ու այսպէս անոնք ամէն մէկը իրենց տոհմերուն կարգովը և իրենց հայրերուն տուներովը կը չուէին: