Երկրորդ մարդահամարը

1Ու հարուածէն ետքը Տէրը Մովսէսի և Ահարոնի որդւոյն Եղիազար քահանային խօսեցաւ` ըսելով, 2Իսրայէլի որդիներուն բոլոր ժողովքին գումարը առէք, անոնց հայրերուն տուներուն համեմատ, քսան տարեկանէ վեր եղողները, այսինքն Իսրայէլի մէջ բոլոր պատերազմելու կարող եղողները*, համրէլով: 3Ուստի Մովսէս ու Եղիազար քահանան Մովաբի դաշտերուն մէջ Երիքովի դիմաց Յորդանանու մօտ անոնց հետ խօսեցան` ըսելով, 4Քսան տարեկանէ վեր եղողները համրեցէք, ինչպէս Տէրը Մովսէսի ու Եգիպտոսի երկրէն ելած Իսրայէլի որդիներուն հրամայեց: 5Ռուբէն, Իսրայէլի անդրանիկը, և Ռուբէնի որդիները. Ենովքէ Ենովքեանց տոհմը, Փաղղուսէ Փաղղուսեանց տոհմը, 6Եսրոնէ Եսրոնեանց տոհմը, Քարմիէ Քարմեանց տոհմը յառաջ եկաւ: 7Ռուբենեանց տոհմերը ասոնք են. ու անոնց համրուածները քառասունուիրեք հազար եօթը հարիւր երեսուն հոգի էին: 8Եւ Փաղղուսի որդին Եղիաբ էր: 9Ու Եղիաբի որդիները Նամուէլ Դաթան ու Աբիրոն էին. այս Դաթանը ու Աբիրոնը ժողովքին մէջ երեւելիներ էին, ու ասոնք էին որ Տէրոջը դէմ կեցող Կորխի ժողովքին մէջ` Մովսէսի ու Ահարոնի դէմ կեցան. 10Եւ երկիր իր բերանը բանալով կլլեց զանոնք ու Կորխն ալ, այն ժողովքին մեռած ատենը, երբ կրակը այն երկու հարիւր յիսուն մարդիկը կերաւ. ու անոնք ամէնուն օրինակ եղան: 11Բայց Կորխի որդիները չմեռան: 12Շմաւոնի որդիները իրենց տոհմերովը. Նամուէլէ Նամուելեանց* տոհմը, Յամինէ Յամինեանց տոհմը, Յաքինէ Յաքինեանց տոհմը, 13Զարայէ Զարայեանց տոհմը, Սաւուղէ Սաւուղեանց տոհմը յառաջ եկաւ: 14Շմաւոնեանց տոհմերը ասոնք են, քսանուերկու հազար երկու հարիւր հոգի: 15Գադի որդիները իրենց տոհմերովը. Սափոնէ Սափոնեանց տոհմը, Անգիէ Անգեանց տոհմը, Սունիէ Սունեանց տոհմը, 16Ազենիէ Ազենեանց տոհմը, Էրիէ Էրեանց տոհմը, 17Արօդիէ Արօդեանց տոհմը, Արելիէ Արելեանց տոհմը յառաջ եկաւ: 18Գադի որդիներուն տոհմերը ասոնք են. ու անոնց համրուածները քառասուն հազար հինգ հարիւր հոգի էին: 19Յուդայի որդիները Էր ու Օնան էին. բայց Էր ու Օնան Քանանու երկրին մէջ մեռան: 20Եւ Յուդայի որդիները իրենց տոհմերովը ասոնք էին. Սելօմէ Սելօմեանց տոհմը, Փարէսէ Փարեսեանց տոհմը, Զարայէ Զարայեանց տոհմը յառաջ եկաւ: 21Ու Փարէսի որդիները ասոնք էին. Եսրոնէ Եսրոնեանց տոհմը, Համուլէ Համուլեանց տոհմը յառաջ եկաւ: 22Յուդայի տոհմերը ասոնք են. անոնց համրուածները եօթանասունըվեց հազար հինգ հարիւր հոգի էին: 23Իսաքարի որդիները իրենց տոհմերովը. Թովղայէ Թովղայեանց տոհմը, Փուայէ Փուայեանց տոհմը, 24Յասուբէ Յասուբեանց տոհմը, Սամրօնէ Սամրօնեանց տոհմը յառաջ եկաւ: 25Իսաքարի տոհմերը ասոնք են. անոնց համրուածները վաթսունըչորս հազար երեք հարիւր հոգի էին: 26Զաբուղոնի որդիները իրենց տոհմերովը. Սարեդէ Սարեդեանց տոհմը, Ելօնէ Ելօնեանց տոհմը, Յաղէլէ Յաղելեանց տոհմը յառաջ եկաւ: 27Զաբուղոնի տոհմերը ասոնք են. անոնց համրուածները վաթսուն հազար հինգ հարիւր հոգի էին: 28Յովսէփի որդիները իրենց տոհմերովը Մանասէ ու Եփրեմ էին: 29Մանասէի որդիները. Մաքիրէ Մաքիրեանց տոհմը յառաջ եկաւ. ու Մաքիր ծնաւ Գաղաադը, ու Գաղաադէ Գաղաադեանց տոհմը յառաջ եկաւ: 30Գաղաադի որդիները ասոնք են. Իեզերէ Իեզերեանց տոհմը, Քեղեգէ Քեղեգեանց տոհմը, 31Ու Ասրիէլէ Ասրիելեանց տոհմը, ու Սիւքէմէ Սիւքեմեանց տոհմը, 32Ու Սեմիդայէ Սեմիդայեանց տոհմը, ու Ոփերէ Ոփերեանց տոհմը յառաջ եկաւ: 33Ու Ոփերի որդին Սալպաադ տղաքներ չունեցաւ, միայն աղջիկներ ունեցաւ. ու Սալպաադի աղջիկներուն անունները Մաալա, Նուա, Էգղա, Մեղքա ու Թերսա էին: 34Մանասէի տոհմերը ասոնք են, ու անոնց համրուածները յիսունուերկու հազար եօթը հարիւր հոգի էին: 35Եփրեմի որդիները իրենց տոհմերովը ասոնք են. Սուտաղայէ Սուտաղայեանց տոհմը, Բոքորէ Բոքորեանց տոհմը, Թաանէ Թաանեանց տոհմը յառաջ եկաւ: 36Եւ Սուտաղայի որդիները ասոնք են. Էրանէ Էրանեանց տոհմը* յառաջ եկաւ: 37Եփրեմի որդիներուն տոհմերը ասոնք են. անոնց համրուածները երեսունուերկու հազար հինգ հարիւր հոգի էին: Յովսէփի որդիները իրենց տոհմերովը ասոնք են: 38Բենիամինի որդիները իրենց տոհմերովը. Բաղայէ Բաղայեանց տոհմը, Ասբէլէ Ասբելեանց տոհմը, Աքիրամէ Աքիրամեանց տոհմը, 39Սուփամէ Սուփամեանց տոհմը, Ոփիմէ Ոփիմեանց տոհմը յառաջ եկաւ: 40Ու Բաղայի որդիները Արեդ ու Նէեման էին. Արեդէ Արեդեանց տոհմը, Նէեմանէ Նէեմանեանց տոհմը յառաջ եկաւ: 41Բենիամինի որդիները իրենց տոհմերովը ասոնք են. ու անոնց համրուածները քառասունըհինգ հազար վեց հարիւր հոգի էին: 42Դանի որդիները իրենց տոհմերովը ասոնք են. Սուհամէ Սուհամեանց տոհմը յառաջ եկաւ. Դանի տոհմերը իրենց տոհմերովը ասոնք են: 43Սուհամեանց բոլոր տոհմերուն համրուածները վաթսունըչորս հազար չորս հարիւր հոգի էին: 44Ասերի որդիները իրենց տոհմերովը. Յեմնայէ Յեմնայեանց տոհմը, Յեսուիէ Յեսուիեանց տոհմը, Բարիայէ Բարիայեանց տոհմը: 45Բարիայի որդիներէն Քաբերէ Քաբերեանց տոհմը, Մեղքիէլէ Մեղքիէլեանց տոհմը յառաջ եկաւ: 46Ու Ասերի աղջկան անունը Սարա էր: 47Ասերի որդիներուն տոհմերը ասոնք են. անոնց համրուածները յիսունուիրեք հազար չորս հարիւր հոգի էին: 48Նեփթաղիմի որդիները իրենց տոհմերովը Յասիէլէ Յասիելեանց տոհմը, 49Գունիէ Գունեանց տոհմը, Յասերէ Յասերեանց տոհմը, Սիլլեմէ Սիլլեմեանց տոհմը յառաջ եկաւ: 50Նեփթաղիմի տոհմերը իրենց տոհմերովը ասոնք են. ու անոնց համրուածները քառասունըհինգ հազար չորս հարիւր հոգի էին: 51Այս է Իսրայէլի որդիներուն գումարը, վեց հարիւր ու մէկ հազար եօթը հարիւր երեսուն: 52Եւ Տէրը խօսեցաւ Մովսէսի` ըսելով, 53Այն երկիրը ժառանգութեան համար ասոնց բաժնուի` իրենց անուններուն թիւին համեմատ: 54Շատուոր եղողին` ժառանգութիւնը շատ տաս, ու քիչուոր եղողին` ժառանգութիւնը քիչ տաս. ամէն մէկուն իր համրանքին համեմատ ժառանգութիւն տրուի: 55Բայց երկիրը վիճակով բաժնուի, ու իրենց նահապետաց ցեղերուն անուններուն համեմատ ժառանգեն: 56Շատուորի ու քիչուորի մէջ ժառանգութիւնը վիճակով բաժնուի: 57Ու Ղեւտացւոց համրուածները իրենց տոհմերովը ասոնք են. Գերսոնէ Գերսոնեանց տոհմը, Կահաթէ Կահաթեանց տոհմը, Մերարիէ Մերարեանց տոհմը յառաջ եկաւ: 58Ղեւտացւոց տոհմերը ասոնք են. Ղոբենեանց տոհմը, Քեբրոնեանց տոհմը, Մոողեանց տոհմը, Մուսեանց տոհմը ու Կորխեանց տոհմը: 59Եւ Կահաթ ծնաւ Ամրամը: Ու Ամրամի կնոջ անունը Յոքաբեդ էր, Ղեւիի աղջիկը, որուն մայրը զանիկա Եգիպտոսի մէջ ծնաւ Ղեւիի. ու անիկա Ամրամի ծնաւ Ահարոնը ու Մովսէսը և անոնց քոյրը Մարիամը: 60Եւ Ահարոնի Նադաբ և Աբիուդ, Եղիազար ու Իթամար ծնան: 61Բայց Նադաբ ու Աբիուդ Տէրոջը առջև օտար կրակ մատուցած ատեննին մեռան: 62Արդ ասոնցմէ համրուածները, այսինքն մէկ ամսականէ վեր եղող բոլոր արուները, քսանուիրեք հազար հոգի էին. քանզի անոնք Իսրայէլի որդիներուն հետ չհամրուեցան, Իսրայէլի որդիներուն մէջ անոնց ժառանգութիւն չտրուելուն համար: 63Մովաբի դաշտերուն մէջ, Երիքովի դիմաց Յորդանանու մօտ, Իսրայէլի որդիները հաշիւի անցընող Մովսէսի ու Եզիազար քահանային համրածները ասոնք են: 64Եւ ասոնց մէջ բնաւ մարդ մը չկար Իսրայէլի որդիներուն առաջուան համրուածներէն, զորոնք Մովսէս ու Ահարոն քահանան Սինայի անապատին մէջ համրեցին: 65Քանզի Տէրը անոնց համար ըսեր էր որ Անշուշտ անապատին մէջ պիտի մեռնին. ուստի անոնցմէ մարդ մը չմնաց, բաց ի Յեփոնեան Քաղէբէ ու Նաւեան Յեսուէ: