Առաջաւորութեան նուիրում

1Եւ եղաւ որ` այն օրը որ Մովսէս լմնցուց խորանը կանգնելը, և զանիկա ու անոր բոլոր անօթները օծեց ու սրբեց, և սեղանը ու անոր բոլոր գործիքները օծեց ու զանոնք սրբեց, 2Այն ատեն Իսրայէլի իշխանները, իրենց հայրերուն տանը գլուխները, ժողովուրդին համրուելուն վրայ վերակացու եղող ցեղերուն իշխանները, ընծաներ տուին: 3Եւ բերին իրենց ընծաները Տէրոջը առջև, վեց ծածկուած սայլեր և տասուերկու եզներ. ամէն երկու իշխանները մէկ սայլ, և ամէն մէկը մէյմէկ եզ. և մօտեցուցին զանոնք խորանին առջև: 4Եւ Տէրը խօսեցաւ Մովսէսի` ըսելով, 5Անոնցմէ առ, ու Ղեւտացւոց տուր ատոնք` ամէն մէկուն իր պաշտօնին նայելով, որպէս զի ժողովքի խորանին պաշտօնին մէջ գործածուին: 6Եւ Մովսէս առաւ սայլերը ու եզները, ու զանոնք Ղեւտացւոց տուաւ: 7Երկու սայլը ու չորս եզը Գերսոնի որդիներուն տուաւ` անոնց պաշտօնին նայելով. 8Եւ չորս սայլը և ութ եզը Մերարիի որդիներուն տուաւ, Ահարոն քահանային որդւոյն Իթամարի վերակացութեամբ եղած անոնց պաշտօնին նայելով: 9Բայց Կահաթի որդիներուն չտուաւ. վասն զի սրբարանին պաշտօնը անոնց վրայ ըլալով, իրենց ուսերովը պիտի վերցնէին: 10Եւ սեղանին օծման օրը անոր նուիրման հանդէսին համար իշխանները ընծաներ տուին. և իշխանները իրենց ընծաները սեղանին առջև մատուցին: 11Եւ Տէրը ըսաւ Մովսէսի, Սեղանին նուիրման հանդէսին համար` ամէն մէկ իշխան մէյմէկ օր իրենց ընծաները մատուցանեն: 12Եւ առաջին օրը իր ընծան մատուցանողը Յուդայի ցեղին իշխանը Ամինադաբի որդին Նաասոն էր: 13Եւ այս էր անոր ընծան. սրբարանին սիկղին համեմատ, հարիւր երեսուն սիկղէ մէկ արծաթ սկուտեղ, եօթանասուն սիկղէ մէկ արծաթ կոնք, երկուքն ալ լեցուն էին հացի ընծայի համար իւղով շաղուած բարակ ալիւրով, 14Տասը սիկղ ոսկիէ մէկ խնկաման խունկով լեցուն, 15Մէկ զուարակ, մէկ խոյ ու մէկ տարեկան մէկ գառ ողջակէզի համար, 16Այծերէն մէկ նոխազ մեղքի պատարագի համար, 17Եւ խաղաղութեան զոհի համար երկու արջառ, հինգ խոյ, հինգ նոխազ և հինգ հատ մէկ տարեկան գառներ. Ամինադաբի որդւոյն Նաասոնի ընծան այս էր: 18Երկրորդ օրը մատուցանողը Իսաքարի իշխանը Սովգարի որդին Նաթանայէլ էր: 19Անոր մատուցած ընծան այս էր. սրբարանին սիկղին համեմատ, հարիւր երեսուն սիկղէ մէկ արծաթ սկուտեղ, եօթանասուն սիկղէ մէկ արծաթ կոնք, երկուքն ալ լեցուն էին հացի ընծայի համար իւղով շաղուած բարակ ալիւրով, 20Տասը սիկղ ոսկիէ մէկ խնկաման խունկով լեցուն, 21Մէկ զուարակ, մէկ խոյ և մէկ տարեկան մէկ գառ ողջակէզի համար, 22Այծերէն մէկ նոխազ մեղքի պատարագի համար. 23Եւ խաղաղութեան զոհի համար երկու արջառ, հինգ խոյ, հինգ նոխազ և հինգ հատ մէկ տարեկան գառներ. Սովգարի որդւոյն Նաթանայէլի ընծան այս էր: 24Երրորդ օրը մատուցանողը Զաբուղոնի որդիներուն իշխանը Քեղոնի որդին Եղիաբ էր: 25Անոր ընծան այս էր. սրբարանին սիկղին համեմատ, հարիւր երեսուն սիկղէ մէկ արծաթ սկուտեղ, եօթանասուն սիկղէ մէկ արծաթ կոնք, երկուքն ալ լեցուն էին հացի ընծայի համար իւղով շաղուած բարակ ալիւրով, 26Տասը սիկղ ոսկիէ մէկ խնկաման խունկով լեցուն, 27Մէկ զուարակ, մէկ խոյ և մէկ տարեկան մէկ գառ ողջակէզի համար, 28Այծերէն մէկ նոխազ մեղքի պատարագի համար, 29Եւ խաղաղութեան զոհի համար երկու արջառ, հինգ խոյ, հինգ նոխազ և հինգ հատ մէկ տարեկան գառներ. Քեղոնի որդւոյն Եղիաբի ընծան այս էր: 30Չորրորդ օրը մատուցանողը Ռուբէնի որդիներուն իշխանը Սեդիուրի որդին Եղիսուր էր: 31Անոր ընծան այս էր. սրբարանին սիկղին համեմատ, հարիւր երեսուն սիկղէ մէկ արծաթ սկուտեղ, եօթանասուն սիկղէ մէկ արծաթ կոնք, երկուքն ալ լեցուն էին հացի ընծայի համար իւղով շաղուած բարակ ալիւրով, 32Տասը սիկղ ոսկիէ մէկ խնկաման խունկով լեցուն, 33Մէկ զուարակ, մէկ խոյ և մէկ տարեկան մէկ գառ ողջակեզի համար, 34Այծերէն մէկ նոխազ մեղքի պատարագի համար, 35Եւ խաղաղութեան զոհի համար երկու արջառ, հինգ խոյ, հինգ նոխազ և հինգ հատ մէկ տարեկան գառներ. Սեդիուրի որդւոյն Եղիսուրի ընծան այս էր: 36Հինգերորդ օրը մատուցանողը Շմաւոնի որդիներուն իշխանը Սուրիսադայի որդին Սաղամիէլ էր: 37Անոր ընծան այս էր. սրբարանին սիկղին համեմատ, հարիւր երեսուն սիկղէ մէկ արծաթ սկուտեղ, եօթանասուն սիկղէ մէկ արծաթ կոնք, երկուքն ալ լեցուն էին հացի ընծայի համար իւղով շաղուած բարակ ալիւրով, 38Տասը սիկղ ոսկիէ մէկ խնկաման խունկով լեցուն, 39Մէկ զուարակ, մէկ խոյ և մէկ տարեկան մէկ գառ ողջակէզի համար, 40Այծերէն մէկ նոխազ մեղքի պատարագի համար, 41Եւ խաղաղութեան զոհի համար երկու արջառ, հինգ խոյ, հինգ նոխազ և հինգ հատ մէկ տարեկան գառներ. Սուրիսադայի որդւոյն Սաղամիէլի ընծան այս էր: 42Վեցերորդ օրը մատուցանողը Գադի որդիներուն իշխանը Դագուէլի որդին Եղիասափ էր: 43Անոր ընծան այս էր. սրբարանին սիկղին համեմատ, հարիւր երեսուն սիկղէ մէկ արծաթ սկուտեղ, եօթանասուն սիկղէ մէկ արծաթ կոնք, երկուքն ալ լեցուն էին հացի ընծայի համար իւղով շաղուած բարակ ալիւրով, 44Տասը սիկղ ոսկիէ մէկ խնկաման խունկով լեցուն, 45Մէկ զուարակ, մէկ խոյ և մէկ տարեկան մէկ գառ ողջակէզի համար, 46Այծերէն մէկ նոխազ մեղքի պատարագի համար, 47Եւ խաղաղութեան զոհի համար երկու արջառ, հինգ խոյ, հինգ նոխազ և հինգ հատ մէկ տարեկան գառներ. Դագուէլի որդւոյն Եղիասափի ընծան այս էր: 48Եօթներորդ օրը մատուցանողը Եփրեմի որդիներուն իշխանը Ամիուդի որդին Եղիսամա էր: 49Անոր ընծան այս էր. սրբարանին սիկղին համեմատ, հարիւր երեսուն սիկղէ մէկ արծաթ սկուտեղ, եօթանասուն սիկղէ մէկ արծաթ կոնք, երկուքն ալ լեցուն էին հացի ընծայի համար իւղով շաղուած բարակ ալիւրով, 50Տասը սիկղ ոսկիէ մէկ խնկաման խունկով լեցուն, 51Մէկ զուարակ, մէկ խոյ և մէկ տարեկան մէկ գառ ողջակէզի համար, 52Այծերէն մէկ նոխազ մեղքի պատարագի համար, 53Եւ խաղաղութեան զոհի համար երկու արջառ, հինգ խոյ, հինգ նոխազ և հինգ հատ մէկ տարեկան գառներ. Ամիուդի որդւոյն Եղիսամայի ընծան այս էր: 54Ութերորդ օրը մատուցանողը Մանասէի որդիներուն իշխանը Փադասուրի որդին Գամաղիէլ էր: 55Անոր ընծան այս էր. սրբարանին սիկղին համեմատ, հարիւր երեսուն սիկղէ մէկ արծաթ սկուտեղ, եօթանասուն սիկղէ մէկ արծաթ կոնք, երկուքն ալ լեցուն էին հացի ընծայի համար իւղով շաղուած բարակ ալիւրով, 56Տասը սիկղ ոսկիէ մէկ խնկաման խունկով լեցուն, 57Մէկ զուարակ, մէկ խոյ և մէկ տարեկան մէկ գառ ողջակէզի համար, 58Այծերէն մէկ նոխազ մեղքի պատարագի համար, 59Եւ խաղաղութեան զոհի համար երկու արջառ, հինգ խոյ, հինգ նոխազ և հինգ հատ մէկ տարեկան գառներ. Փադասուրի որդւոյն Գամաղիէլի ընծան այս էր: 60Իններորդ օրը մատուցանողը Բենիամինի որդիներուն իշխանը Գեդէօնիի որդին Աբիդան էր: 61Անոր ընծան այս էր. սրբարանին սիկղին համեմատ, հարիւր երեսուն սիկղէ մէկ արծաթ սկուտեղ, եօթանասուն սիկղէ մէկ արծաթ կոնք, երկուքն ալ լեցուն էին հացի ընծայի համար իւղով շաղուած բարակ ալիւրով, 62Տասը սիկղ ոսկիէ մէկ խնկաման խունկով լեցուն, 63Մէկ զուարակ, մէկ խոյ և մէկ տարեկան մէկ գառ ողջակէզի համար, 64Այծերէն մէկ նոխազ մեղքի պատարագի համար, 65Եւ խաղաղութեան զոհի համար երկու արջառ, հինգ խոյ, հինգ նոխազ և հինգ հատ մէկ տարեկան գառներ. Գեդէօնիի որդւոյն Աբիդանի ընծան այս էր: 66Տասներորդ օրը մատուցանողը Դանի որդիներուն իշխանը Ամիսադայի որդին Աքիեզեր էր: 67Անոր ընծան այս էր. սրբարանին սիկղին համեմատ, հարիւր երեսուն սիկղէ մէկ արծաթ սկուտեղ, եօթանասուն սիկղէ մէկ արծաթ կոնք, երկուքն ալ լեցուն էին հացի ընծայի համար իւղով շաղուած բարակ ալիւրով, 68Տասը սիկղ ոսկիէ մէկ խնկաման խունկով լեցուն, 69Մէկ զուարակ, մէկ խոյ և մէկ տարեկան մէկ գառ ողջակէզի համար, 70Այծերէն մէկ նոխազ մեղքի պատարագի համար, 71Եւ խաղաղութեան զոհի համար երկու արջառ, հինգ խոյ, հինգ նոխազ և հինգ հատ մէկ տարեկան գառներ. Ամիսադայի որդւոյն Աքիեզերի ընծան այս էր: 72Մետասաներորդ օրը մատուցանողը Ասերի որդիներուն իշխանը Եքրանի որդին Փագիէլ էր: 73Անոր ընծան այս էր. սրբարանին սիկղին համեմատ, հարիւր երեսուն սիկղէ մէկ արծաթ սկուտեղ, եօթանասուն սիկղէ մէկ արծաթ կոնք, երկուքն ալ լեցուն էին հացի ընծայի համար իւղով շաղուած բարակ ալիւրով, 74Տասը սիկղ ոսկիէ մէկ խնկաման խունկով լեցուն, 75Մէկ զուարակ, մէկ խոյ և մէկ տարեկան մէկ գառ ողջակէզի համար, 76Այծերէն մէկ նոխազ մեղքի պատարագի համար, 77Եւ խաղաղութեան զոհի համար երկու արջառ, հինգ խոյ, հինգ նոխազ և հինգ հատ մէկ տարեկան գառներ. Եքրանի որդւոյն Փագիէլի ընծան այս էր: 78Երկոտասաներորդ օրը մատուցանողը Նեփթաղիմի որդիներուն իշխանը Ենանի որդին Աքիրէ էր: 79Անոր ընծան այս էր. սրբարանին սիկղին համեմատ, հարիւր երեսուն սիկղէ մէկ արծաթ սկուտեղ, եօթանասուն սիկղէ մէկ արծաթ կոնք, երկուքն ալ լեցուն էին հացի ընծայի համար իւղով շաղուած բարակ ալիւրով, 80Տասը սիկղ ոսկիէ մէկ խնկաման խունկով լեցուն, 81Մէկ զուարակ, մէկ խոյ և մէկ տարեկան մէկ գառ ողջակէզի համար, 82Այծերէն մէկ նոխազ մեղքի պատարագի համար, 83Եւ խաղաղութեան զոհի համար երկու արջառ, հինգ խոյ, հինգ նոխազ և հինգ հատ մէկ տարեկան գառներ. Ենանի որդւոյն Աքիրէի ընծան այս էր: 84Սեղանին օծուած օրը անոր նուիրման հանդէսին համար Իսրայէլի իշխաններէն նուիրուած ընծաները ասոնք էին. տասուերկու արծաթ սկուտեղ, տասուերկու արծաթ կոնք ու տասուերկու ոսկի խնկաման, 85Ամէն մէկ արծաթ սկուտեղ հարիւր երեսուն սիկղէ և ամէն մէկ կոնք եօթանասուն սիկղէ էր. այս ամաններուն բոլոր արծաթը երկու հազար չորս հարիւր սիկղ էր, սրբարանին սիկղին համեմատ. 86Տասուերկու ոսկի խնկաման խունկով լեցուն, ամէն մէկ խնկաման, սրբարանին սիկղին համեմատ, տասնական սիկղ ըլլալով, խնկամաններուն բոլոր ոսկին հարիւր քսան սիկղ էր: 87Ողջակէզի համար բոլոր արջառները տասուերկու զուարակ, խոյերը տասուերկու, մէկ տարեկան գառները տասուերկու էին,իրենց հացի ընծայովը. և մեղքի պատարագի համար այծերէն նոխազները տասուերկու: 88Եւ խաղաղութեան զոհի համար բոլոր արջառները քսանըչորս զուարակ էին, խոյերը վաթսուն, նոխազները վաթսուն, և մէկ տարեկան գառները վաթսուն էին: Այս էր սեղանին նուիրման հանդէսը` անոր օծուելէն ետքը: 89Եւ երբ Մովսէս ժողովքի խորանը կը մտնէր Անոր հետ խօսելու, այն ատեն իրեն խօսողին ձայնը վկայութեան տապանակին վրայ եղած քավութիւնին վրայէն, երկու քերովբէներուն մէջտեղէն, կը լսէր, ու ինք Անոր հետ կը խօսէր: