Օգնութեան աղօթք մը

Գլխաւոր երաժշտին. Սաղմոս Դաւթի, յիշատակի համար։

1Ով Աստուած, զիս փրկելու կամք ըրէ, Ով Տէր, ինծի օգնելու արտորցիր: 2Թող ամչնան ու խայտառակ ըլլան Իմ անձս փնտռողները. Ետ դառնան ու ամօթով ըլլան Ինծի չարիք ուզողները: 3Թող ամչնալով ետ դառնան Անոնք որ ինծի Վա°շ վա°շ կ’ըսեն: 4Ամէն քեզ փնտռողները Քեզմով թող ցնծան և ուրախանան. Եւ քու փրկութիւնդ սիրողները Ամէն ժամանակ թող ըսեն, Աստուած մեծանայ: 5Բայց ես աղքատ ու տնանկ եմ, Ով Աստուած, շուտով հասիր ինծի. Իմ օգնականս ու փրկիչս դուն ես. Ով Տէր, մի ուշանար: